Begaj: Arritje e merituar! Hasani: Hap i rëndësishëm
Tirana zyrtare ka përshëndetur vendimin e marrë pro Kosovës nga Komiteti i Çështjeve Politike për anëtarësimin në Këshillin e Evropës.
Presidenti i Republikës, Bajram Begaj e cilëson si arritje e merituar e Kosovës në rrugëtimin e saj drejt anëtarësimit të plotë në Këshillin e Evropës.
Kryediplomati Igli Hasani me anë të një statusi në rrjetet sociale shprehet se ky hap i rëndësishëm vjen si rrjedhojë e angazhimit të vazhdueshëm të Kosovës, në vlerat e demokracisë, të drejtat e njeriut dhe sundimin e ligjit.
“Mbetemi në pritje, që gjatë Sesionit të Prillit të Asamblesë Parlamentare, të hapet rruga për përfundimin e procesit të anëtarësimit të Kosovës në Këshillin e Evropës”, shprehet ai.
Edhe kryeparlamentarja Lindita Nikolla e cilësoi këtë vendim si një hap më pranë të Kosovës drejt Këshillit të Evropës.
Tv Klan