Tërmeti i shembi shtëpinë, me ndihmën e “Stop” gjendet zgjidhja për 85-vjeçaren
Tërmeti i 4 Qershorit dhe 21 Shtatorit të 2019-s, hodhi në tokë banesat e 3 familjeve në Selenicë: Dedja, Rustemaj dhe Bregasi. Zgjidhja e vetme që iu ofrua ishin disa çadra, që gjithë shiun e fusnin brenda. 85-vjeçarja, Mbete Dedaj tha në “Stop”, se e kishte të pamundur jetesën në këto kushte.
Banorët e prekur nga tërmeti kanë takuar kreun e Emergjencave Civile, Albert Rexhepi, i cili u premtoi vetëm zëvendësimin e çadrave. Kryetari i Bashkisë Selenicë, Pëllumb Binaj pranoi të paguajë një bonus qiraje për këta banorë e t’u sigurojë një fond për riparimin e shtëpive në Janar të vitit 2020.
Sot, pas dy javësh, Mbete Dedaj tregon se është sistemuar në shtëpinë e komshiut që është në emigracion dhe Bashkia paguan për të.
Ajo falenderon stafin e emisionit “Stop” për zgjidhjen.
Mbete Dedaj: Kjo është shtëpia ime, që më ka dhënë kryetari.
Gazetarja: Kush e ka këtë shtëpi?
Mbete Dedaj: E ka njëri, ka ikur në Greqi.
Gazetarja: Dhe Bashkia i paguan qira, për sa muaj?
Mbete Dedaj: Deri në Mars.
Gazetarja: Deri në Mars, ti je brenda tani?
Mbete Dedaj: Po!
Gazetarja: Të paktën, tani dimrin e ke të sigurt. Duke e krahasuar me çadrën, këtu brenda je për bukuri. Ne të Stop-it do flemë për bukuri tani.
Mbete Dedaj: Po edhe ju, edhe neve!
Gazetarja: Deri në Mars të 2020, ju jeni të sigurt këtu..
Mbete Dedaj: Po, po jemi të siguruar.
Gazetarja: Pastaj me të parë dhe me të bërë, sepse do Zoti akordohet ndonjë fond nga Ministria e linjës dhe jepen dhe banesa sociale me atë rast.
Mbete Dedaj: Se çfarë do bëni ju dhe kryetari nuk e di unë. Kam shpresa në juve.
Gazetarja: Je e gëzuar?
Mbete Dedaj: Jam e gëzuar nga juve! Shpresat i kam tek ju… Faleminderit Stopit, faleminderit Saimirit, faleminderit shumë që zgjidh problemin. Uratën paç uratën… Nëse ke fëmijë, të të rrojnë ti kesh me jetë dhe me shëndet./tvklan.al
