Ekzekutohet në makinë Shkëlzen Kastrati



Ekzekutohet në makinë Shkëlzen Kastrati

11:03 01/02/2021

Një person ka mbetur i vrarë me armë zjarri këtë të hënë, në vendin e quajtur “Ura e Sheqit”, në Fier. Viktima është Shkëlzen Kastrati, 42-vjeç. Ai ndodhej në makinën e tij Benz, kur një person ende i pa identifikuar i preu rrugën dhe e qëlloi me breshëri plumbash.

Gazetarja Anila Sefa sjell pamjet nga vendi i ngjarjes.

Ndërsa policia në një njoftim për mediat tha se autori u largua nga vendngjarja me një makinë “Range Rover”, i cili u gjet i djegur te vendi i quajtur “Mbikalimi i Baltzës”.

“Sot rreth orës 10:30, në vendin e quajtur “Ura e Sheqit”, një shtetas i paidentifikuar, ka vrarë me armë zjarri shtetasin Sh. K., i cili ka qënë në automjetin tip “Benz”. Autori është larguar nga vendngjarja me një automjet tip “Range Rover”, i cili u gjet nga shërbimet i djegur te vendi i quajtur “Mbikalimi i Baltzës”. Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorit”, tha policia në njoftimin e saj paraprak për mediat.

Klan News raporton paraprakisht se viktima dyshohet të jetë vrarë për shkaqe që lidhen me hasmërinë.

Në vitin 2016 vëllai i viktimës, Kelmend Kastrati, mbeti i plagosur në një atentat me armë zjarri të ndodhur në kthesën e Mbrostarit, ngjarje e cila erdhi si pasojë e një historie të gjatë hakmarrjeje mes dy fiseve në Fier.

Ndërkohë, me qëllim identifikim dhe kapjen e autorit, autoritetet policore kanë ngritur pika kontrolli autostradën Lushnje-Fier./tvklan.al







Të ngjashme