Xhafaj takohet me Sekretarin e OSBE, e informon për Vettingun në polici dhe “drejtësinë”

Xhafaj takohet me Sekretarin e OSBE, e informon për Vettingun në polici dhe “drejtësinë”

18:22 29/05/2018

Ministri i Brendshëm Fatmir Xhafaj priti sot pasdite Sekretarin e Përgjithshëm të OSBE, Thomas Greminger. Xhafaj e falenderoi për kontributin dhe rolin e rëndësishëm të OSBE-së dhe veçanërisht rolin e Prezencës së OSBE-së në Shqipëri, për mbështetjen e dhënë në reformën në drejtësi dhe në hartimin e Dokumentit të Politikave Prioritare në Fushën e Rendit dhe Sigurisë.

Ministri Xhafaj bëri një përmbledhje të prioriteteve dhe rezultateve konkrete të Ministrisë së Brendshme në luftën kundër krimit të organizuar, Vetting-ut në Policinë e Shtetit, operacionin “Forca e Ligjit”, si dhe arritjet në luftën kundër terrorizmit dhe ekstremizmit të dhunshëm.

Gjithashtu ai, vlerësoi kontributin në luftën kundër trafikimit të qënieve njerëzore, migracionit të paligjshëm dhe azil kërkimit. Gjithashtu ministri Xhafaj vlerësoi rolin aktiv të Prezencës së OSBE-së në fushën e Policimit në Komunitet.

Nga ana tjetër, Sekretari i Përgjithshëm i OSBE shprehu vlerësime maksimale për arritjet e deritanishme dhe gjithashtu dha vlerësimet më të larta për bashkëpunimin konstruktiv të Ministrisë së Brendshme me partnerët ndërkombëtarë në sfidat e përbashkëta.

Ai u ndal tek rëndësia e filozofisë së parandalimit të kriminalitetit nëpërmjet gjithëpërfshirjes së shoqërisë. “Jam i impresionuar nga përpjekjet dhe rezultatet e arritura deri tani, në fushën e Vetting-ut dhe luftës kundër krimit të organizuar dhe qëndrojmë plotësisht të gatshëm për mbështetje të mëtejshme”, u shpreh ai./

tvklan.al

LAJMET
Të ngjashme
UKT