Vidhnin bagazhet e pasagjerëve

Vidhnin bagazhet e pasagjerëve

15:38 20/05/2019

“Bagazhi i fundit”, një operacion i Policisë së Tiranës, vuri në pranga punonjës të ngarkim-shkarkimit në Aeroportin e Rinasit. Denis Mbrati, 22 vjeç dhe Edison Rruga, 24 vjeç hapnin bagazhet e pasagjerëve dhe u vidhnin para e sende me vlerë. Dy punonjës të tjerë u proceduan në gjendje të lirë.

“Denis Mbrati dhe Edison Rruga, të dy të arrestuar për vjedhjen e bagazheve në Rinas, kanë pranuar përballë oficerëve të policisë se janë ata autorët e vjedhjes së 4500 eurove. Këta persona janë punësuar nga kompania Tirana International Aeroport, ndërsa policia ka dokumentuar edhe katër vjedhje të tjera të kryera prej tyre.

Sipas policisë, dy punonjësit e ngarkim-shkarkimit, gjatë muajve të fundit kishin kryer 5 vjedhje në bagazhet e pasagjerëve të ndryshëm. Hetimet e policisë nisën pas denoncimeve të disa prej tyre.

Vjedhja e parë ka ndodhur më 15 Prill, 6 ditë pasi Admir Murataj dhe 4 persona të tjerë grabitën 6.5 milionë euro që po transportoheshin me avion drejt Vienës. Për Policinë e Rinasit, ky fenomen ekziston prej kohësh. Ajo u ka drejtuar një shkresë kompanive ajrore, që të vendosin kamera portative brenda barkut të avionëve, ose bagazhet të ngarkohen në konteinerë, për të shmangur kontaktin me punonjësit.

Tv Klan

Të ngjashme
UKT