Lideri i separatistëve ukrainas të mbështetur nga Rusia është vrarë këtë të premte në një atentat të ndodhur në Donetsk. Sipas BBC, Alexander Zakharchenko u vra në një shpërthim të ndodhur në një kafene në lindje të Ukrainës.
Lajmi u raportua nga agjencia e lajmeve e “Donetsk Republik”, e cila drejtohet nga rebelet, megjithatë edhe agjencitë ruse si Interfax dhe Tass e raportuan si lajm.
Deri më tani nuk ka detaje mbi këtë atentat.
Grupe të armatosura rebele në rajonet e Donetsk dhe Luhansk refuzojnë që të njohin qeverinë ukrainase në Kiev.
42-vjeçari ishte kreu i shtetit dhe kryeministri i të vetëshpallurës “Republika e Njerëzve të Donetsk”, e cila sëbashku me separatistët e Luhansk lufton forcat ukrainase që prej 2014-s.
Konflikti i ka marrë jetën më shumë se 10,000 personave.
/tvklan.al
