Presidenti amerikan Joe Biden tha për herë të parë se presidenti rus Vladimir Putin është një kriminel lufte, për pushtimin që po i bën Ukrainës.
“Ai është kriminel lufte”, tha Biden për gazetarët pas një eventi në Shtëpinë e Bardhë. Reagimi vjen në një kohë kur vdekjet dhe shkatërrimi në Ukrainë vijon të përkeqësohet.
I menjëhershëm ishte edhe përgjigja e Kremlinit, që e konsideroi të pafalshme etiketimin e bërë nga presidenti amerikan. Sipas agjencisë së lajmeve TASS, Kremlini tha se komentet e Biden janë “retorikë e papranueshme dhe e pafalshme”.
Më herët, Biden njoftoi një paketë të re ndihme ushtarake për Ukrainë, në luftën e saj kundër Rusisë. Ai tha se Shtëpia e Bardhë do të mundësojë një “mbështetje të paprecedentë”, e cila kap shifrën prej rreth 800 milionë dollarësh, përfshirë furnizimin me dronë.
SHBA do ta ndihmojë po ashtu Ukrainën në identifikimin dhe marrjen e sistemeve kundërajrore me rreze të gjatë dhe municionet që i nevojiten./tvklan.al
