Mbështetësit e Zemmur grushtojnë aktivistet kundër racizmit
Takimi i parë elektoral i kandidatit të ekstremit të djathtë për president të Francës, Erik Zemmur u shndërrua në arenë dhune.
Disa prej mbështetësve të tij, të pranishëm në tubimin e zhvilluar në periferinë verilindore të Parisit, sulmuan me grushta e karrige disa aktivistë kundër racizmit që kishin hyrë në sallë, të cilët u gjakosën pas plagëve të marra në kokë e pjesë të tjera të trupit.
Dhuna nisi që në fillim të takimit, pasi njëri prej aktivistëve anti-racistë u hodh drejt kandidatit Zemmur, teksa ky i fundit përshëndeste turmën duke kaluar përmes tyre drejt foltores.
Në fjalimin e tij, ai tha se do të ripushtojë Francën, duke përdorur termin “Rekonkuista” që lidhet me periudhën historike 700 vjeçare, kur të krishterët luftuan kundër ushtrive myslimane për të marrë kontrollin e plotë të Spanjës.
Erik Zemmur kërkon largimin e Francës nga NATO dhe dëbimin e të gjithë emigrantëve. Zgjedhjet presidenciale zhvillohen në Prill të vitit të ardhshëm.
Tv Klan
Thousands marched through Paris Sunday against far-right presidential candidate Eric Zemmour who held a political rally the same day.
— Bloomberg Quicktake (@Quicktake) December 5, 2021
He argues White people are being replaced by non-White immigrants and is used by some to justify violence https://t.co/xMhTZOR1n5 pic.twitter.com/7gFTbjOK7l