Zgjidhen me short anëtarët e rinj
Ditën e fundit të afatit kushtetuese, Presidenti i Republikës hodhi shortin për përzgjedhjen e anëtarëve të rinj të Këshillit të Emërimeve në Drejtësi.
Por Këshilli i ri duket se do të drejtohet nga kryetari i vjetër Ardian Dvoranin, që ka një çështje të hapur në organin e drejtësisë pikërisht nga kreu i shtetit.
Duke qenë se Dvorani është anëtari i vetëm i Gjykatës së Lartë, për të nuk është hedhur short dhe është përzgjedhur automatikisht si anëtar i këtij organi.
Po ashtu, ai do të jetë automatikisht edhe kryetar, siç përcaktohet në pikën 4 të nenin 149/ d, ku thuhet se kryetari i KED duhet të jetë anëtar i Gjykatës së Lartë.
Një tjetër emër që rizgjidhet si anëtare është Arta Marku.
KED ka mandat 1 vjeçar edhe është organi që kryen vlerësimin e kritereve profesionale e morale të kandidatëve për Inspektor të Lartë të Drejtësisë, si dhe të kandidatëve për anëtarë të Gjykates Kushtetuese.
Vetë kreu i shtetit e ka vlerësuar hedhjen e shortit si një proces trasparent dhe shkruajti në rrjetet sociale që tani e rëndësishme është edhe një veprimtari krejtësisht trasparente e KED-it.
Pas shortit përbërja e KED-it për 2020 do të jetë kjo.
Kandidatët nga Gjykata Kushtetuese
1 – Fjona Papajorgji, anëtare e KED-së
2 – Vitore Tusha, anëtare e KED-së
Anëtari Zëvendësues
1 – Marsida Xhaferrllari, anëtare Zëvendësuese e KED-së
Anëtar i Gjykatës së Lartë
1- Ardian Dvorani, kryetar i KED
Kandidatët nga Prokuroria e Përgjithshme
1 – Arta Marku-anëtare e KED-së
Anëtari zëvendësues
1- Bilbil Mete, anëtar i KED
Kandidatët nga Gjykatat e Apelit
1- Miranda Andoni, anëtare e KED
2- Saida Dollani, anëtare e KED
Zëvendësuesi
1- Nazmi Troka, anëtar i KED
Prokurorët pranë Gjykatave të Apelit
1 – Ludovik Dodaj, anëtar i KED
2- Fatjona Memçaj, anëtare e KED
Zëvendësuesi
1 – Nezir Gjokaj anëtar i KED
Gjykatat e Apelit dhe Shkalla e Parë
1 – Arjan Qafa, anëtar i KED
Zëvendësuesi
1 – Marjana Velaçani Idrizi
Tv Klan
