E DIELA SHQIPTARE – EMISIONI 10 (SEZONI 10)

Talk Show nga Ardit Gjebrea!

“KA NJË MESAZH PËR TY”

Rasti I

Bujana është një zonjë nga Tropoja, e cila prej vitesh jeton në Londër. Ajo erdhi në “E Diela Shqiptare”, në rubrikën “Ka një mesazh për ty” për t’i përcjellë një mesazh babait të saj 93 – vjeçar. Për shkak të moshës, ai nuk mundi të vinte në studion e “E Diela Shqiptare.

Por stafi i emisionit kishte përgatitur një tjetër “surprizë” për zonjën Bujana.

Së bashku me dëshirën për t’i përcjellë babait një mesazh, Zonja Bujana, e cila solli në vëmendje një problematikë tjetër, atë të mashtruesve në internet.

Bujana ishte përpjekur që në Maj që të vinte në studion e “Ka një mesazh për ty”. Ajo kishte kontaktuar me një një faqe të rreme në Facebook, me emrin “Ka një mesazh për ty”.

Disa muaj më vonë, dikush i përgjigjet. Personi në fjalë, i kërkon numër telefoni dhe i premton se kur të vijë në Tiranë do t’i bëjnë një surprizë babait të saj.

E pasi i mori numrin e telefonit, ky njeri i shkruajti Zonjës Bujana sërish, por këtë herë duke i kërkuar që të ndihmonte një familje në nevojë.

“Përmes numrit të telefonit që më kërkoi, ai më bën një kërkesë dhe thotë: Zonjë e nderuar nëpërmjet stafit të këtij emisioni, kemi një familje në nevojë. Një vajzë 9 vjeçe ka nevojë për një ndërhyrje në zemër dhe ne kemi nxjerrë stafin tonë që të mbledhin para që ta nisim këtë vajzë jashtë vendit. Nëpërmjet këtij stafi, ju lutem të na ndihmoni sadopak.”

Vetë moderatori Gjebrea lexon një prej mesazheve të këtij personi, i cili shfrytëzoi zemërgjerësinë e emisionit “E Diela Shqiptare”.

Zonja tregon se nuk i kishte dërguar një shifër të madhe pasi kishte nuhatur se diçka nuk shkonte. Ajo i nisi fillimisht vetëm 100 euro.

Personi në fjalë përdorte iu prezantua gruas me një emër te rremë, si Elton Gjoka. Në një mesazh ai madje i jepte detaje për pozicionin që kishte në “E Diela Shqiptare”.

“Rri në zyrën e zotit Ardit, menaxhoj faqen e tij, publikoj ato që jepen në emision, nëpërmjet programit dhe internetit. Do t’ju lë emrin e të atit të vajzës. Ai quhet Ramadan Metushi. Të lutem ver dorën në zemër dhe ndihmojeni…”

Zonja kërkoi një llogari bankare, por ai tha se babai i vajzës së sëmurë nuk kishte, ndaj i tha që t’i sillte me MoneyGram, një shërbim që Gjebrea e përmend në program. Siç shpjegon vetë drejtuesi i “E Diela Shqiptare”, në mesazhet që ky mashtrues i kishte nisur zonjës, ai përdorte detaje të cilat do t’i kishte besuar çdokush.

Moderatori Gjebrea u shpreh i keqardhur që emri i “E Diela Shqiptare” është përdorur për të mashtruar qytetarët, e në rastin konkret zonjën Bujana.

Kjo e fundit u shpreh se sapo kishte kontaktuar me stafin e vërtetë,të programit kishte kuptuar se ata nuk e njihnin dhe nuk kishin dijeni për gjithçka kishte ndodhur.

“Unë e pashë sesa i befasur ishe (i thotë Gjeberas). Më erdhi shumë keq për momentin, por janë gjëra që ndodhin dhe duhet t’i zgjidhim bashkarisht. Sepse një njeri është ashtu si dora atij e zezë, nuk ju shkruajnë ju, por ne popullit. Dhe përmes kësaj mesazhi, them që jo vetëm unë që kam rënë pre, nuk flitet për gjendjen monetare që kam shpenzuar, absolutisht jo, unë do t’i kisha dër

guar edhe 2 mijë euro edhe sapo të kishte patur nevojë, sepse unë jam një nga ato njerëz që le veten time keq për këta persona sepse unë e kam përjetuar vetë… se çfarë është të rrish spitaleve dhe të humb një njeri. Dhe kjo më bëri mua që të vij këtu, e pashë në sytë tuaj në sy të stafit edhe ju tepër të tramatizuar nga kjo. Ndaj bëj thirrje në këtë studio, të mos bien pre e njerëzve të tillë.

Për të gjithë teleshikuesit, Ardit Gjebrea theksoi se të vetmet mënyra për të kontaktuar me programin janë faqet zyrtare në Facebook, si “E Diela Shqiptare”, “Televizioni Klan” dhe “AnaMedia”. Ndërsa për të kontaktuar me stafin e rubrikës “Ka një mesazh për ty”, mund të përdorni adresën e email

kanjemesazhperty.al.

Ndërkohë, në studion e emisionit kishte ardhur njeriu i cili e mashtroi për muaj me radhë dhe i mori gruas para, në emër të emisionit e “Diela Shqiptare”.

“Unë jam Ramadan Metushi”

“Ky është Ramadani, njeriu që është hequr si pjesë e stafit tonë dhe pas të gjithë asaj që ka ndodhur, e vetmja gjë që më gëzon është që keni ardhur në studio për të treguar se përse e keni bërë dhe për të na kërkuar falje, në radhë të parë zonjës dhe pastaj ne, për këtë dëm që na keni shkaktuar”,

sqaroi për publikun Gjebrea duke iu drejtuar të riut me një pyetje.

Si e bëre këtë Ramadan?

“E nisa si një lojë, nuk e mendoja kurrë se do të ndodhte një gjë kaq e keqe.

Ti ku banon?

“Në Fier, në një fshat të Fierit.”

Kush të shtyu për ta bërë këtë gjë?

“Kam qenë shumë i strestuar ato ditë…”

“E nisa si një lojë këtë gjë. Hapa një adresë me emër të rremë dhe e ktheva në emrin “Ka një mesazh për ty”. Kishte shkruajtur zonja, që të ftonte babain e saj në këtë emision dhe unë i shkruajta pas disa muajsh. I shkruajta se do ta ndihmoja, hiqesha sikur punoja në këtë emision. E di që gabova…”

Kishe shumë informacion në fakt…

“Po unë e shikoj vazhdimisht këtë emision”.

Sa fansa kishe?

“5 mijë e 400”.

Ke patur raste të tjera?

“Edhe një rast tjetër, por jo në faqe”.

Nuk mendove një moment që mund të të kapnin?

“E mendoja”.

“Unë e dija që ti do të vije një ditë në shtëpinë time për të kërkuar falje dhe koka e falur nuk pritet. Por le të jetë një mësim jo vetëm për rastin këtu, por për të gjithë, sepse jeta është shumë e shkurtër dhe do të vdesim të gjithë dhe ti mund të provosh të jetosh edhe ndershmërisht”

, u shpreh Gjerbrea më tej.

Zonja Bujana i kishte kërkuar Ramadanit që të takoheshin ballë për ballë… një takim ky që u mundësua këtë të diel nga Gjebrea.

“I kërkova para se të vija këtu, më trego je apo s’je, po ai vijonte të më sillte rrotull, jam këtu jam aty dhe unë nga besimi që kisha tek emisioni juaj, i besova këtij njeriu. Unë nuk di çfarë të them, nëse ju bindeni dhe organet kompetente binden që ky nuk ka mashtruar njerëz të tjerë…”, rrëfeu Zonja Bujana në studio.

Zonja u shpreh e keqardhur që dëshira e saj për të ftuar babain në studion e “E Diela Shqiptare” u pengua për 6 muaj dhe sot ai nuk mund të ishte prezent. Megjithatë ajo e fali Ramadanin.

Në fund, Gjebrea i tha se të dyja palët e kishin falur dhe i dha edhe dorën… ndonëse me shaka iu drejtua duke i thënë:

“Po vij të të jap dhe dorën që të të përcjell. Do të të jepja dhe një shpullë në fakt, e meriton…”

Si ra stafi i emisionit në gjurmët e Ramadanit?

Për këtë në studio ishte e ftuar një specialiste e Krimit Kompjuterik. Ajo shpjegoi se ka shumë raste të ngjashme.

Ajo tha se përveç dëmeve financiare, rastet në rritje janë ato të pornografisë me të miturit.

Për këtë specialistja këshilloi të gjithë prindërit që të mos i lenë fëmijët vetëm në internet, sepse mund të bien pre e keqbërësve.

Sa i përket Ramadanit, ai do të vijojë të përballet me drejtësinë për veprimet e tij.

Rasti II

Një grup nxënësish nga Blinishti i Lezhës së bashku me mësuesin e tyre Arben Skandaj

kanë ardhur për të rrëfyer një histori frymëzuese. Një bibliotekë lëvizëse e ardhur nga

qyteti deri në zonën e tyre u ka ndryshuar jetën këtyre fëmijëve. Ka disa kohë që

“makina e dijes” nuk po vjen më. Çfarë do i kërkojnë ata teta Suelës?

Dituria është ushqim i shpirtit. Sikur të gjithë të ndiqnim nga pak modelin e Suelës,

natyrisht që do rrisnim një brez akoma më të mirë.

“TELEBINGO SHQIPTARE”

“SHIHEMI NË GJYQ”

Alkena jeton në Gjermani dhe ka marrë vesh që babai i saj do të shesë shtëpinë që e ka blerë ajo vetë, pa kontaktuar me të.

Për këtë arsye ajo ka ardhur në një seancë ndërmjetësimi, në “Shihemi në Gjyq”, së bashku me babain e saj Nazifin.

Në studion e “E Diela Shqiptare”, Alkena, një nga 5 fëmijët e familjes, rrëfeu:

“Disa vite më parë kisha nënën e babain pa shtëpi. Me gjithë sakrificat e mia në Itali, u përpoqa që t’u blija një shtëpi. Mendova unë pasi vëllezërit dhe motra ime nuk kishin mundësi për të kontribuuar. Edhe sepse vetë nuk kisha shtëpi në ato momente, ia bleva babait. Sot, pas 17 vitesh vij edhe zbuloj se shtëpia, që në fakt është në emër të babait tim, por që ia kam blerë unë, është në shitje”.

Për këtë arsye, shpjegoi ajo më tej, thërriti sot babain e saj për ta pyetur përse ka dalë në shitje kjo shtëpi, pa i thënë asgjë.

Në debat e sipër, Eni Çobani zbuloi se në fakt, shtëpia nuk është as në emër të Alkenës e as në emër të babait të saj, por në emër të Julianit, pra vëllait të Alkenës. E duket se zanafilla e konfliktit është pikërisht kjo.

“Dhe kjo është e keqja e dytë që i është bërë Alkenës, që nuk iu është thënë se këtë shtëpinë Nazifi nuk e ka vënë në emër të vet, por e paska vënë në emër të Julianit. Arsyen përse e ka vënë do ta dëgjojmë”,

tha shpjegoi Çobani.

Por Zoti Nazifi e mohoi këtë.

“Nuk e kam vënë unë, e ka bërë ai në mënyrë abuzive”.

E në këtë pikë, e bija e pyeti se kur e kishte marrë vesh këtë gjë.

Zoti Nazif zbuloi se kishte qenë viti 2000, kur ishte njohur me faktin se i biri kishte ndryshuar emrin e pronësisë së shtëpisë dhe shpjegoi se kishte lënë në shpresën që të mos e fuste në gojë të gjykatës, që të mos i fuste probleme me drejtësinë.

Ai tha se i biri kishte falsifikuar dokumentet. Por ky pohim u kundërshtua nga Çobani, e cila tha se gjëra të tilla nuk është e mundur të ndodhin pa qenë në dijeni.

Alkena: Kam një jetë që jam në kurbet, ty të bëra me shtëpi, sot marr vesh që po e shet, bashkë me vëllain tim.

Nazif: Unë kam menduar që të mund ta zgjidhnim në mënyrë miqësore.. nuk desha të të shqetësoj.

Alkena: Po më shqetësove njëherë e mirë, më fute thikën në mëlçi mua ti.

Nazif: Në qoftë se ju kam borxh do t’jua kthej.

Alkena: Jo unë nuk dua borxhin, unë dua shtëpinë të kthehet në emrin tënd.

Zonja Çobani insistoi që Nazifi të sqaronte dhe të thoshte të vërtetën, sesi kaloi shtëpia në emër të Julianit.

“Momentin që mua më nxori vajza letrat për bashkim familjar në Itali”.

Kjo ka ndodhur që atëherë?

“Po”.

Çobani: Pra ju këtë shtëpi ia keni blerë Donika Plasotit. Ju keni vetëm dy deklarata, por kontratë shit – blerje ka vetëm Juliani me zonjën Plasoti. Si është e mundur? Si u bë kjo kontratë, me apo pa lejen tuaj?

Nafiz: E bëri ai pa lejen time. Unë kam ardhur në Itali.

Për të sqaruar sesi u bë kontrata e shit – blerjes, stafi i “Shihemi në gjyq” kontaktoi në telefon me Donika Plasotin.

Kjo e fundit shpjegoi se në total ka marrë 8 milion lekë të vjetra, me anë të një deklarate me shkrim.

E pyetur se përse nuk ka një kontratë shit – blerje me zotin Nazif Zaçes, Donika e hodhi poshtë këtë pretendim dhe tha se kontrata është bërë në Shijak.

Ajo tha se kontratën ia ka lënë pikërisht këtij të fundit, tek një noter në hyrje në Shijakut. Madje ajo tha se Nazifi duhet t’i ketë të gjitha dokumentet.

Por në kontratën e lexuar nga Çobani rezulton se shtëpia i është shitur djalit të Nazifit, Julianit. Këtë Donika e hodhi poshtë, madje ajo tha se nuk e njeh Julianin.

Ajo tha se fëmijët e saj nuk kanë ardhur që Shqipëri dhe se në prokurë nuk ka firmosur askush tjetër përveç saj, apo bashkëshortit.

Donika theksoi më tej se ka ardhur në Shqipëri dhe kam firmosur, por nuk ka firmosur për fëmijët e saj, ndryshe nga sa tregon një prokurë.

Pra rezulton se janë dy prokura, një të Zonja Plasoti e ka bërë me Nazifin tek një noter dhe një tjetër që është bërë në një tjetër noter, që mban firmën e gjithë familjes, përfshirë edhe fëmijëve të Donika Plasari, me Julianin.

Por çfarë thotë Juliani?

Ai nuk pranoi të bënte lidhje telefonike, por kishte lënë një mesazh për Çobanin:

“Ju lutem mos më shqetësoni më. Zonja Eni të më dërgojë një adresë email -i dhe unë do t’i dërgoj çdo dokument që kam.”

Në fund, Çobani shpjegoi se prokura del e pavlefshme, që bën që edhe kontrata e shit – blerjes do të dalë e pavlefshme. Ajo tha se pas një padie të Alkenës gjithçka do të dalë e pavlefshme dhe shtëpia do të kalojë, në mënyrë ligjore, në emër të babait. Do të jetë ky i fundit që do të vendosë më pas se kujt do t’ia lerë shtëpinë.

Pikëpyetja që mbeti ishte, si arriti ta bënte vëllai këtë gjë?

Alkena tha se vëllai pretendon që në 2 vitet që ka jetuar në Itali tek e motra, ai ka kontribuuar mjaftueshëm për ta merituar shtëpinë.

“Pretendon diçka që është e pa pretendueshme. Në vitin 1998 e kam marrë në Itali, Në vitin 2000 u martua dhe solli edhe gruan. Në këto dy vite ai pretendon se në shtëpinë time më ka mbajtur ai mua, në një kohë kur burri im sillte 2 milion e gjysmë lireta në shtëpi”,

tha Alkena