Europa në mëshirë të thatësirës





Europa në mëshirë të thatësirës

23:00 06/08/2022

Franca në gjendje të jashtëzakonshme, dëme të mëdha bujqësore në Itali

E gjithë Evropa po lufton me të nxehtin dhe thatësirën e madhe. Mungesa e ujit po gjunjëzon bujqësinë dhe po e vendos sektorin e turizmit në vështirësi.

Nga Rumania në Spanjë, gjysma e territorit të kontinentit të vjetër është në rrezik. Në Itali,  ky vit është deri tani viti më i nxehtë që nga shekulli i 19-të dhe  dëmet në bujqësi kanë shkuar në 6 miliardë Euro.

Prodhimi i misrit dhe foragjerit është përgjysmuar, një rënie me 30% për grurin, 15% për frutat dhe 20% për qumështin në stalla.

Megjithëse është shumë herët për të bërë një bilanc, pas disa muajsh shifrat ndoshta do të jenë edhe më të këqija. Ndërsa në Francë përdorimi i ujit është i kufizuar në 93 rajone.  

Situata është e vështirë edhe në gadishulli Iberik, por edhe më në veri: Holanda, Gjermania, Polonia, Hungaria dhe Sllovenia, Kroacia, po përballen me të njëjtat shqetësime.

Në Portugali, energjia hidroelektrike e ruajtur në rezervuarë është gjysma e mesatares së shtatë viteve të mëparshme. E sikur të mos mjaftonte  zjarret që shkatërrojnë mijëra hektarë tokë janë një tjetër problem madhor.

Klan News













Të ngjashme