Institucioni është përballur me akuza të forta
Fondacionit “Misionaret e Bamirësisë”, i cili u themelua nga Nënë Tereza në vitin 1950 i është hequr licenca për marrjen e fondeve nga jashtë vendit. Ky vendim u mor nga Ministria e Brendshme në ditën e Krishtlindjeve.
Fondacioni është akuzuar nga ekstremistët Hindu se po përpiqet të konvertojë njerëz në nevojë në të krishterë. Në një nga deklaratat e dorëzuara në polici thuhet se Institucioni ka qenë i përfshirë në aktivitete që synonin të lëndonin ndjenjat fetare të Hinduistëve në mënyrë të qëllimshme.
Kjo akuzë vjen në një kohë ku dhuna dhe intoleranca anti-kristiane është përhapur në të gjithë Indinë me grupe të djathta nacionaliste Hindu që akuzojnë të Krishterët. Pastorët e krishterë janë sulmuar dhe shërbimet e kishës janë ndërprerë me dhunë në muajt e fundit.
Një zëdhënës i Fondacionit është shprehur se ata nuk kanë detyruar njeri të konvertojë besimin e tij fetar duke hedhur poshtë akuzat.
Refuzimi nga qeveria e cila drejtohet nga një parti nacionaliste hindu për të rinovuar licencën e Fondacionit të themeluar nga Nënë Tereza është parë nga shumë njerëz si një tregues i armiqësisë për organizatat e krishtera që veprojnë në Indi.
Tv Klan
