Në qytetin siçilian Modica askush sot nuk po flet për gjë tjetër përveçse historisë së shoqërimit me prostitutën peruane, e cila për rreth pesëmbëdhjetë ditë ka ushtruar profesionin e saj dhe ka rezultuar me koronavirus.
Ajo dje u shtrua në spitalin në Foligno dhe sot u transferua në Perugia. Kushtet e saj nuk janë shqetësuese, por problemet e frymëmarrjes duken të rënda. Kryebashkiaku Ignazio Abbate është i shqetësuar, pasi njerëzit janë të alarmuar. Ai në fakt ka frikë nga një shpërthim i Covid-19 në qytetin e tij, deri tani me asnjë të prekur të vetëm nga koronavirusi.
“Ne i kërkuam prokurorit të gjente numrat telefonike të kontakteve të saj të paktën këto dy muaj, sepse klientët nuk po deklarohen, nga frika e bashkëshortëve të tyre. Qelizat e bashkangjitura në celularin e prostitutës peruane mund të ishin të dobishme për të gjurmuar rrugëtimin e saj nga Barcelona, një nga vatrat e reja të Evropës drejt Italisë”.
Kryebashkiaku rrëfen për qindra telefonata që ka marrë në orët e fundit nga njerëz të frikësuar.
“Më thirri ne telefon një parukiere, ajo donte të dinte emrin e saj dhe të kishte foto të prostitutës, në rast se ajo ishte kliente e saj. Unë e kuptoj që njerëzit janë të alarmuar dhe gjithashtu e kuptoj se në këtë rast ekziston një hezitim i caktuar, një siklet për t’u kontrolluar. Por ne rekomandojmë fuqimisht ta bësh këtë, edhe sepse do të doja të ishte e qartë se kontrollet janë absolutisht konfidenciale”.
Po, por a mund të kontrollohet kushdo që ka qenë me të në një hapësirë të mbyllur duke ruajtur të drejtën e intimitetit? Gjuetia për klientët e prostitutës peruane ka nisur gati në gjysmën e Italisë e me gjerë. Sipas anketës epidemiologjike, gruaja praktikonte profesionin e saj në Barcelona, Romë, Modica, Romë dhe Foligno. Autoritetet shëndetësore përpiqen të rindërtojnë lëvizjet dhe takimet e saj me rreth tridhjetë klientë në qytetin siçilian, plus të gjithë njerëzit që mund të kenë udhëtuar së bashku me të me aeroplan, traget, autobus dhe trena.
Klan Plus
