Ish-Presidenti i Shteteve të Bashkuara të Amerikës Jimmy Carter 95 vjeç është shtruar në spital në Atlanta pas problemeve shëndetësore.
Ai do t’i nënshtrohet një ndërhyrje kirurgjikale për të ulur presionin e gjakut në tru. Operacioni është planifikuar të kryhet pas disa orësh sipas orës lokale.
Jimmy Carter është ish-Presidenti më i vjetër amerikan që jeton ende. Ai ka qenë Presidenti i 39-të i SHBA-së nga radhët e demokratëve dhe qëndroi në Shtëpinë e Bardhë nga viti 1977 deri në vitin 1981.
Gjatë rikandidimit për t’u zgjedhur për herë të dytë si President, Carter u mund nga Ronald Reagan.
Në vitin 2002, Jimmy Carter fitoi Çmimin Nobel për Paqe për punën e tij humanitare. /tvklan.al
