Gjatë këtyre dy javëve, autorja dhe moderatorja e “Jo Vetëm Modë” Orinda Huta ka qëndruar veçanërisht e heshtur, duke mos u shfaqur si çdo të dielë me puntata të reja të “Jo Vetëm Modë” dhe duke mos postuar asgjë as në rrjetet sociale. Gjatë prezantimit të “Jo Vetëm Modë” sot, Orinda Huta zbuloi arsyen e mungesës së saj 2-javore. Ajo u shpreh se i ndodhi pikërisht ajo çfarë i druhej që prej Marsit. Orinda Huta zbuloi se ka kaluar Covid-19, duke shtuar se virusi zuri të gjithë stafin e emisionit të përjavshëm, “Jo Vetëm Modë”. “Dhe ja ku jemi me mungesë prej 2 javësh me speciale të reja. Në fakt arsyeja është një dhe e vetmja. Është asaj që i druhesha më së shumti që prej Marsit dhe po i ruhesha aq shumë që të mos e kaloja Covid-19. Unë bashkë me stafin e Jo Vetëm Modë kemi kaluar tashmë, e kemi kapërcyer këtë virus.
Një gjë që nuk do doja kurrë dhe nuk do ia uroja askujt që ta kalonte, kjo jo për të frikësuar gjithsecilin prej jush por për t’ju treguar që duhet të keni shumë kujdes. Kujdes ndaj vetes tuaj, të jeni besimplotë që do e kaloni, dhe sigurisht me ushqimin duke mos neglizhuar absolutisht çdo këshillë të mjekut. Vetëm prej tyre duhet të merrni këshilla, nga askush tjetër. Por kujdes, ushqimi është shumë i rëndësishëm gjatë kapërcimit të kësaj viroze, kësaj sëmundje”, u shpreh Orinda Huta. Orinda e mbylli deklaratën e saj duke kujtuar se më shumë besim, ky virus edhe mund të kalohet, sikurse e kaloi ajo dhe stafi i saj, por edhe dy të ftuarat e para të këtij emisioni, Iva Tiço dhe Dhurata Thanasi.
