Aktori firmos kontratën me kompaninë prestigjioze e cila do të zgjasë për disa vite
Pas betejës së ashpër ligjore mes Johnny Depp dhe ish-bashkëshortes Amber Heard duket se për aktorin fitorja e gjyqit nuk ishte e vetmja.
Aktori ka rinovuar kontratën me kompaninë luksoze franceze Christian Dior për të qenë imazhi i parfumit të tyre për burra “Sauvage”.
Sipas mediave të huaja, pas firmosjes së kontratës, menaxheri i Dior mori pjesë në një nga koncertet e Johnny Depp dhe Jeff Beck në Paris si një mbështetje për aktorin.
59-vjeçari u bë imazhi i kompanisë luksoze Dior për herë të parë në vitin 2015. Por pas betejës së ashpër gjyqësore mes Depp dhe ish-bashkëshortes së tij, Amber Heard, reklama e “Sauvage” ndaloi së transmetuari në TV. Tashmë Johnny Depp ka një marrëveshje të re me kompaninë luksoze, e cila do të zgjasë me vite.
Klan News
