Kapet 1.1 ton kokainë në Itali

Kapet 1.1 ton kokainë në Itali

09:25 14/11/2019

Vinte nga Amerika e Jugut me destinacion Gjermaninë

Një sasi rekord prej 1.1 ton kokainë është sekuestruar në portin e Gioia Tauro në Itali.

Sipas autoriteteve italiane, droga ishte fshehur në një konteiner me banane, që vinte nga Amerika e Jugut dhe që kishte si destinacion Gjermaninë.

Vlera e lëndës narkotike nëse do të hidhej në treg do të arrinte në rreth 250 milionë Euro.

Në aksion kanë marrë pjesë Guardia di Finanza, Europol dhe Antidroga italiane.

Droga u zbulua pas skanimit që iu bë konteinerit frigoriferik. Ende nuk flitet për personat e ndaluar.

Vetëm gjatë këtij viti në portin e Gioia Tauro është sekuestruar mbi 2.5 ton kokainë dhe ky konsiderohet një nga pikat e rëndësishme të hyrjes së kokainës në Europë.

Tv Klan




UKT
Grupi
LAJMET

Të ngjashme


UKT
Grupi