Tre persona kanë rënë në prangat e policisë, pasi është zbuluar se ata kishin kthyer lokalet e tyre në pika për lojërat e fatit.
Policia në një njoftim për mediat sqaron se në pranga ka rënë Aldo Malaj, pasi në lagjen “Pavarësia” në Vlorë në ambientet e lokalit të tij ushtrove aktivitet të paligjshëm të lojërave të fatit.
Gjatë kontrollit në lokal, autoritetet kanë sekuestruar një laptop, një printer, një Ipad të cilat dyshohen se përdoreshin për lojëra të palejuara dhe baste sportive, duke përfituar vlera monetare të pa deklaruar në organet tatimore.
Ndërkohë në pranga ka rënë dhe Xhulio Ferati, i cili po në lagjen pavarësia në lokalin e tij ushtronte aktivitetin e jashtëligjshëm të lojërave të fatit.
Policia sqaron se dhe në lokalin e Denis Biracit, ka gjetur pajisjve për lojërat e fatit dhe 29-vjeçari është arrestuar./tvklan.al
