Lajme Arkiva – Tv Klan 2000
Diplomacia shqiptare duhet të ketë më tepër diplomatë nëpër konsullatat e akredituara në vendet fqinj, Itali e Greqi, për t’u kujdesur për trajtimin e shqiptarëve të burgosur në këto shtete. Ministri i Drejtësisë Arben Imami, deklaroi sot në Komisionin e Jashtëm Parlamentar, se në burgjet greke nuk respektohen të drejtat e të dënuarve shqiptarë, nuk respektohen afatet e paraburgimit dhe në mjaft raste të dënuarit shqiptarë rrihen dhe keqtrajtohen.
Komisioni i Jashtëm Parlamentar, u tërhoqi vëmendjen konsullatave, të cilat nuk interesohen për bashkatdhetarët e burgosur. Transferimi i këtyre të burgosurve shqiptarë, nga Italia e Greqia në burgjet e Shqipërisë, është ende i pa mundur, pasi ende po punohet për ndërtimin e burgjeve të reja në Peqin e Lezhë.
Për zgjidhjen e problemeve të të burgosurve do të zhvillohet së shpejti një takim trepalësh i ministrave të Drejtësisë, të Shqipërisë, Italisë dhe Greqisë./tvklan.al
Gazetar – Vladimir Lame
