Një aksident me pasojë vdekjen ka ndodhur në aksin rrugor Fier-Patos në afërsi të fshatit Portëz.
Sipas korrespondentes së Klan News, Anila Sefa, një automjet ka përplasur një grua. Kjo e fundit ka ndërruar jetë ndërsa automjeti është larguar nga vendngjarja.
Dyshohet se viktima rreth 50 vjeç po mblidhte kanaçe në rrugë.
Në vendngjarje kanë shkuar forcat e policisë dhe kanë nisur hetimet për të zbardhur dinamikën e aksidentit dhe për të identifikuar drejtuesin e mjetit. /tvklan.al