Këngëtarja e njohur e muzikës popullore, Mariola Kaçani është bërë nënë për herë të parë. Me një postim në rrjetet sociale, ka qenë bashkëshorti i saj, Aldo, që ka ndarë gëzimin e ardhjes në jetë të djalit.
“12.05.2022, 16:05. Dita më e bukur e jetës tonë, që nuk do harrojmë kurrë, Zoti na bekoi me djalin tonë. Faleminderit Zot!”
Por urimi më i veçantë për pjesëtarin e ri të familjes ka ardhur nga daja i tij, Jurgeni. Në ditët e lindjes së nipit, ai ka publikuar këngën e re “Nipçe”, një dhuratë e përjetshme për gëzimin e tyre familjar./tvklan.al
