31-vjeçarja Melisa Trëndafili, nënë e dy fëmijëve të mitur u sulmua pasditen e kësaj të shtune nga ish-bashkëshorti i saj, mes të cilin ishin në proces divorci, në këtë rrugicë të Korçës.
45-vjeçari Bledar Trëndafili e kishte pritur pranë banesës ku ajo jetonte pas ndarjes me nënën e saj dhe fëmijët 3 dhe 5 vjeç. Sapo e ka parë është afruar dhe e ka lagur me benzinë duke i vënë flakën.
31-vjeçarja ka marrë djegie të shumta dhe pas trajtimit në Spitalin e Korçës është dërguar në QSUT në Tiranë.
![](https://tvklan.al/wp-content/uploads/2024/08/korca-2.png)
![](https://tvklan.al/wp-content/uploads/2024/08/korca-1.png)
Menjëherë pas ngjarjes autori është larguar dhe policia thotë se është duke punuar për kapjen e tij.
Burime nga grupi i hetuesve thanë se shkak për ngjarjen dyshohet të jetë bërë xhelozia e 45-vjeçarit.
Nëna e re nuk kishte një urdhër mbrojtjeje. Hetuesit kanë marrë në pyetje nënën dhe fqinjët e saj për të hedhur më shumë dritë mbi ngjarjen.
Tv Klan