Rama jep porositë për zgjedhjet – TV KLAN

Rama jep porositë për zgjedhjet

"Proces korrekt, kush prek votën del para ligjit"

Ashtu si në vitin 2017, socialistët kanë vendosur që mitingun përmbyllës të fushatës ta zhvillojnë në Vlorë, në zonën elektorale të Kryeministrit. Vendimi është marrë nga Kryesia e cila është mbledhur mëngjesin e kësaj të hëne për të marrë porositë e fundit nga Kryeministri për të dielën e 30 Qershorit, që do të hyjë në historinë e pluralizimit si data e zgjedhjeve të para pa opozitën.

Kryefjala e Edi Ramës për anëtarët e Kryesisë ishte dokumentimi i çdo rasti kur votuesit do të pengohen të dielën e 30 Qershorit të shprehin vullnetin e tyre me votën për kandidatë socialistë për kryebashkiakë.

Edhe pse në më tepër se në gjysmën e njësive të pushtetit lokal, socialistët nuk do të kenë rival përballë, Rama thotë se është shumë i rëndësishëm të arrihet një proces me standarde. Të garantohet, sipas tij, mbarëvajtja e procesit. E për të folur pikërisht për monitorimin e gjithë procesit zgjedhor si para ashtu dhe gjatë ditës së zgjedhjeve, Kryeministri ka pritur në një takim në zyrën e tij në selinë rozë dhe kreun e delegacionit të vëzhguesve të OSBE/ODIHR, Odry Glover.

Tv Klan

Kategori
Lajmet KryesorePolitikaTe funditTë gjithaVideo
0 Komente

Përgjigju

*

*