Përbërësit:
500 gr mozzarella
300 gr miell
120 gr parmixhano
100 gr gjalpë
60 gr majdanoz
60 gr bukë galetë
3 vezë
1 kg domate
Shafran
Hudhër
Vaj ulliri
Kripë
Piper
Përgatitja:
Në një tas vendosim miellin, shtojmë në të vezët, vaj ulliri, kripë, piper, shafran dhe i përziejmë derisa të përgatitet brumi. Brumin e përgatitur e mbështjellim me letër pelikul dhe e lëmë të pushojë.
Presim në katër pjesë domatet, iu heqim farat dhe pjesën e tulit e presim në kubikë shumë të vegjël, i vendosim në një tas, shtojmë në to djathë mozzarella të prerë po ashtu në kubikë, djathë të grirë, kripë, piper, vaj ulliri dhe i përziejmë të gjithë ingredientët bashkë.
Majdanozin e vendosim në një gotë mikseri, shtojmë në të vaj ulliri, kripë, piper dhe i bëjmë krem.
Pjesët e brendshme të domateve i vendosim në një tenxhere, shtojmë në to pak gjalpë, hudhër dhe i lëmë të ziejnë.
Hapim brumin, e presim me forma rrumbullake dhe e mbushim me masën që përgatitëm. Më pas i ziejmë në tenxhere me ujë për 2 minuta. Vendosim në pjatë fillimisht salcën me majdanoz, kremin me domate dhe mbi to raviolit./tvklan.al
