“Nuk ka më mosmarrëveshje mes palëve”
Të gjitha amendimet e Kodit Zgjedhor të dakordësuara me ndërmjetësimin e ambasadorëve do të jenë të draftuara të hënën e 15 Qershorit.
“Besoj të hënën ta çoj zyrtarisht draftin në komision dhe pastaj të vazhdojë diskutimet. KQZ nuk ka ndonjë element surprizë. Po diskutojmë disa mekanizma të fundit në lidhje me procedurën e përzgjedhjes së anëtarëve. Ekspertëve iu la detyrë që brenda të hënës të jetë gati”, deklaroi Damian Gjiknuri.
Një nga çështjet që ka marrë më shumë kohë gjatë afro 3-orëve mbledhje të këshillit politik ka qenë përzgjedhja e anëtarëve për të gjitha nivelet e Komisionit Qëndror Zgjedhor të riformatuar.
“Derisa të shihen të hartuara garancitë që është rënë dakord për administrimin e zgjedhjeve, identifikimin biometrik, sigurisht që deri atë moment do të punojë për të mbyll dakordësinë e plotë teknike. U la dakord që të kemi gati të hënën draftin që i parashikojnë këto garanci. Ditën e hënë Këshilli Politik do të ketë dokumentin e plotë për t’i dhënë zgjidhje dakordësisë së 5 Qershorit”, tha Bylykbashi.
Pavarësisht rekomandimit të Këshillit të Europës, palët kanë rënë dakord që reklamat politike të mos hiqen.
Pasi të marrë miratimin e këshillit politik brenda javës së ardhshme, drafti i kodit të amenduar elektoral do t’i çohet Kuvendit për t’u diskutuar në komisione e për të marrë në fund dhe miratimin e seancës plenare.
Tv Klan
