Lajme Arkiva – TV Klan 2001
Shoqata kombëtare e ish-të dënuarve dhe të përndjekurve politikë, si edhe Sindikata e Pavarur e Minatorëve të Shqipërisë, kanë kërkuar sot nga qeveria, që në kategorinë e daljes në pension të parakohshëm të minatorëve, të përfshihet edhe kategoria e atyre të dënuarve që gjatë burgimit të diktaturës, punuan në miniera.
Ne nuk jemi dakord, u shpreh kryetari i shoqatës së të dënuarve politik Kurt Kola, pasi këtu shkelen hapur të drejtat e njeriut, prandaj qeveria dhe parlamenti, duhet patjetër të bëjnë një shtesë të ligjit. Ndërsa përfaqësuesit e Sindikatës së Pavarur të Minatorëve vlerësuan realizimin e pensionit të parakohshëm, por që këtu duhet të përfshihen edhe ish-të dënuarit./tvklan.al
