Stop – Emisioni 61 (sezoni 5)

Stop – Emisioni 61 (sezoni 5)

20:30 25/11/2019

Hitparade i absurdit shqiptar.

Në redaksinë e emisionit “Stop” ka mbërritur një video në të cilën shfaqen dy vajza duke u përleshur fizikisht me njëra-tjetrën. Incidenti ndodhi në shkollën 9-vjeçare në Tiranë, “Siri Kodra”. Duke komentuar pamjet, drejtuesi i emisionit Saimir Kodra tha se po i transmetonte ato për të denoncuar fort këtë fenomen.

Saimir Kodra: Janë dy vajza që zihen me njëra-tjetrën.

Gentian Zenelaj: Gjëja më e shëmtuar është kur shikon dy femra që zihen.

Saimir Kodra: Edhe këta çunat e tjerë që e shohin.

Gentian Zenelaj: Po se është shumë vështirë edhe të filmosh edhe t’i ndash, se duan edhe të filmojnë njerëzit.

Saimir Kodra: Kjo është një video që unë e transmetoj për të denoncuar fort këtë lloj fenomeni. Ju që jeni nëpër klasa, ç’keni mi nonë që ziheni kështu më. Ju jeni të rinj dhe nuk i mendoni, që ka një vëlla, një motër, një çun xhaje, një gocë tezeje… pse i ngatërroni gjërat kaq shumë. Shkoni për të mësuar, mos shkoni për të ndarë… ku e di unë, se dhe nuk dua të flas.

Ndërkohë disa nga episodet e tjera që u shfaqën dhe u komentuan në emisionin e sotëm “Stop”, në rubrikën “Hitparade i absurdit shqiptar” ishin:

Autobusi i Divjakës nxjerr tym, sikur të jetë fabrikë.

Autobusi i linjës së Tufinës është i tejmbushur e me derë të hapur, pasi shumë njerëz presin ende të hipin në të.

Në Devoll disa qytetarë shtyjnë makinën e policisë, ndërsa ata që i filmojnë dëgjohen të thonë, që pamjet do t’i cojnë te “Stop”-i./tvklan.al


Grupi
LAJMET
Të ngjashme
Grupi