Të afërmit e gjyqtares së vrarë dje nga ish-bashkëshorti në Tiranë, Fildes Hafizi, janë mbledhur tek shtëpia e prindërve të saj në Rrugën “Ali Baushi”, ku edhe do t’i japin lamtumirën e fundit sot në orën 15:00.
Në një prononcim për mediat, djali i tezes së Hafizit mban përgjegjës shtetin për këtë ngjarje të rëndë.
“
Si lihet ky njeri në këtë mënyrë? E çfarë, dënohet me tre vite burg, as dënohet për armë pa leje, për asgjë, d.m.th ka një shkelje totale të ligjeve, komplet.
”
Pyetjes së kë bëjnë përgjegjës për këtë ngjarje të rëndë, të afërmit përgjigjen duke thënë: “
Shtetin, shteti, po e lëmë psikopatin. Sepse ky hyn në kategorinë e psikopatëve, me shku dy herë me pistoletë me kërku me vra gruan
.
Shteti ka pasur mundësi ta evitojë këtë ngjarje, sepse ndodhi edhe ngjarja e parë, kur kishte mundësi ta vriste që në fillim para dy vitesh. Fati i saj shpëtoi.
”
Ata thonë se Hafizi është ankuar me shumë të drejtë sepse ka pasur një dhunë totale sistematikisht. “E këtu asht dashur shteti me vu dorë”.
“
Pas konfliktit me bashkëshortin i kërkuam që të kthehej në Shkodër dhe të jetonte ne qytetin e saj të lindjes ku ne do ta mbronin për shkak se ndihej e rrezikuar. Fildesi nuk pranoi për shkak se ishte femër e fortë.
” /tvklan.al