20 Bashki pa shërbim zjarrfikësesh

20 Bashki pa shërbim zjarrfikësesh

15:30 04/08/2017 https://youtu.be/p7GoYt7ajhE

Temperaturat e larta dhe erërat vazhdojnë të favorizojnë përhapjen e flakëve të zjarrit në pjesën më të madhe të 15 vatrave të zjarrit në të gjithë vendin.

Angazhimi i 109 forcave zjarrëfikëse, pothuajse po aq punonjës të Gardës, ushtrisë dhe forcave pyjore dhe 24 makina zjarrëfikëse nuk po bën të mundur që situata e krijuar në shumë zonat pyjore vihet në kontroll.

Emergjencat civile lajmërojnë se Parku Kombëtar i Llogarasë është i pushtuar nga flakët duke u përkeqësuar gjatë ditës për shkak të erës së fortë. Për këtë arsye është kërkuar dërgimi një avioni nga qendra e përgjigjes ndaj Emergjencave Civile në BE. Ndërkohë në Dibër, Elbasan, Berat, Fier e Lezhë janë aktivizuar disa vatra zjarri. Në Shkodër raportohet për një zjarr të rënë në fshatin Lohe, në Bashkinë e Malësi e Madhe, i cili ka djegur një sipërfaqe prej 3 ha me bimë medicinale.

Në fshatin Gizavesh, Bashkia Librazhd, ka rënë zjarr në një banesë duke e shkrumbuar krejtësisht atë dhe duke djegur disa bagëti.

E vetme vatër zjarri e cila është arritur të vihet nën kontroll është ajo në malin e Dajtit ku pas ndërhyrjes së helikopterit flakët nuk janë përhapur.

Por kur panorama nuk është aspak optimiste, një tjetër fakt domethënës jep pak shpresa se me kapacitetet që ka Drejtoria e Përgjithshme e Zjarrëfikësve të mund t’i përgjigjet situatave të tilla.

Tv klan mëson se plotë 20 bashki nga 61 që ka i gjithë vendi, nuk kanë fare shërbim zjarrëfikësesh, ndaj dhe sytë janë drejtuar nga vendet fqinje ku po kërkohet dërgimi i avionëve për të shuar nga ajri zjarret e shumta që janë shënuar këtë verë.

1.Bashkia Rrogozhinë

2.Bashkia Divjakë

3.Bashkia Cërrik

4.Bashkia Përrenjas

5.Bashkia Ura Vajgurore

6.Bashkia Kamëz

7.Bashkia Vau i Dejës

8.Bashkia Finiq

9.Bashkia Këlcyrë

10.Bashkia Fushë-Arrëz

11.Bashkia Belsh

12.Bashkia Dropull

13.Bashkia Klos

14.Bashkia Konispol

15.Bashkia Libohovë

16.Bashkia Maliq

17.Bashkia Memaliaj

18.Bashkia Pustec

19.Bashkia Roskovec

20.Bashkia Selenicë

 TV KLAN

 

Delta
LAJMET

Të ngjashme

AZHBR
UKT
UKT
Doktori