Dy persona janë plagosur me thikë në Shkodër si pasojë e një sherri të çastit për motive të dobëta. Ngjarja ndodhi në rrugën “Filip Shiroka” në orën 11:40.

Policia thotë se autori i dyshuar, G.K. 76 vjeç goditi me thikë F.G. 51 vjeç dhe K.G. 49 vjeç.

Dy të plagosurit u dërguan në spital dhe ndodhen jashtë rrezikut për jetën.

Ndërsa autori është arrestuar në vendngjarje falë ndërhyrjes së shpejtë të policisë.

Ndërkohë, vijon puna e grupit hetimor, për sqarimin e plotë të rrethanave të ngjarjes.

/tvklan.al