“E prisja”, Suela tregon pse e mori trëndafilin e para

“Daily Love Story”, një mini-show i cili pason gjithçka që nuk shihet dhe nuk është thënë të hënën në skenën e spektaklit “Love Story” në TV Klan, ka nisur transmetimin e puntatës së dytë, në kanalin zyrtar të TV Klan në Youtube dhe televizionin Klan Plus.

Xhesi Muçaj, gazetarja e “DLS”, ka marrë disa mendime e kritika të konkurrenteve, për vajzat e tjera të “Love Story”, teksa nuk kanë munguar edhe opinionet për protagonistin e këtij ‘reality dating show’, Saimirit.

E pyetur se si është ndjerë që mori trëndafilin e parë, Suela shprehet se ishte diçka që e priste, por nuk kishte menduar që do të ishte e para.

“Edhe e prisja por të isha e para jo, nuk e mendoja. Mbase i kam bërë më shumë përshtypje se të tjerat. Mua Saimiri mu duk i njëjti, njësoj që nga fillimi deri në fund me të gjitha vajzat”, tha ajo.

Ndërkohë, e pyetur për puthjen e shumëdiskutuar të konkurrentes Vivien, Suela theksoi se puthja nuk është ndonjë gjë e madhe dhe se nëse edhe ajo do ta kishte menduar diçka të tillë, do ta kishte bërë.

“Puthja nuk është ndonjë gjë e madhe, po ta kisha menduar edhe unë do e bëja. Nëse e unë e ndjej do ta bëj”, u shpreh bukuroshja e Love Story.

“Më do s’më do”, Stelina: Bëj gjithçka për dashurinë, do ta shihni!

Tashmë ka nisur në kanalin zyrtar të RTV Klan në Youtube dhe televizionin Klan Plus, “Daily Love Story”, një program ku publiku do të njihet me të pathënat, prapaskenat dhe komentet e spektaklit Love Story, i cili startoi të hënën, duke rrëmbyer zemrat e publikut.

Xhesi Muça, gazetarja e “Daily Love Story”, ka intervistuar konkurrentet lidhur me emocionet dhe komentet e tyre për vajzat e tjera, si edhe për Saimirin.

E pyetur lidhur me emocionet e përjetuara në skenë, bukuroshja Stelina është shprehur se u ndje sikur ishte në një takim dhe se e harroi për një moment që ndodhej në spektakël.

“Harrova fare që isha në spektakël, u ndjeva sikur ishim mbledhur në një takim. Saimiri është i mirë gjithmonë”, tha ajo.

Më tej, Stelina theksoi se sa i përket konkurrencës, Saimiri i di shijet e veta dhe se është ai që zgjedh, teksa shtoi se për dashurinë mund të bëjë gjithçka.

Teksa këput fletët e trëndafilit, Stelina përmend fjalët “më do smë do”, dhe ndalon tek “më do”, fjalët e lojës së famshme për dashurinë.

“Konkurrencë ka kudo por Saimiri i di shijet e veta dhe le të zgjedhi ai. Jam shumë romantike dhe e egër, i kam të gjitha, mund të prisni gjithçka nga unë. Bëj gjithçka për dashurinë, do ta shihni”, u shpreh ajo.

Robert Aliaj ‘sulmon’ Saimirin: Ka ardhur për show, puthja e Vivien ishte e stisur

“Daily Love Story”, një mini-show i cili pason gjithçka që nuk shihet dhe nuk është thënë të hënën në skenën e spektaklit “Love Story” në TV Klan, ka nisur transmetimin e puntatës së dytë, në kanalin zyrtar të TV Klan në Youtube dhe televizionin Klan Plus.

Xhesi Muçaj, gazetarja e “DLS”, ka intervistuar përveç vajzave edhe opinionistin e këtij dating show, Robert Aliajn, i cili ka shprehur dhe argumentuar kritikat e tij për konkurrentet dhe Saimirin.

Roberti është ndalur tek grimi i vajzave teksa e ka cilësuar atë si të tepruar, teksa ka thënë se i pëlqen grimi delikat.

“Femrat ne i kemi shumë xhan dhe duhet ta tregojmë edhe kujdesin e vëmendjen, sepse femrat kanë nevojë për këtë gjë. Për momentin shoh që kanë nevojë për mbështetje. Vajzat nuk duhet të bëjnë një grim të tepruar, këtë nuk j’ua thash sepse nuk desha t’i demoralizoj. Grimi ishte skandaloz, më pëlqejnë vajzat me një grim delikat”, tha opinionisti.

Ndërkohë, i pyetur për mendimin e tij nëse Saimiri ka ardhur vërtet për të gjetur dashurinë apo për show, Roberti është shprehur se ai ka ardhur të bëjë punën e tij në këtë spektakël pasi kjo nuk është mënyrë për të gjetur dashurinë.

“Jam absolutisht i bindur që ka ardhur për të bërë punën e vet, nuk është mënyrë kjo se si mund të gatuhet si të thuash një histori dashurie”, tha Roberti.

Sa i përket puthjes së Vivien, opinionisti i Love Story theksoi se puthja nuk është një gjest i guximshëm dhe nuk e shokon ky fakt. Sipas tij, ajo që është shokuese është arsyeja përse një vajzë puth.

Më tej Roberti shtoi se gjërat ishin jashtëzakonisht të stisura dhe bisedat ishin shumë mekanike.

“Nuk është fare e guximshme, që një vajzë të puthë një djalë është gjëja më normale në botë. Nuk më shokon një vajzë që puth, biles më pëlqen shumë, është gjest i pavarur. Më shokon aryeja pse puth, dhe atë nuk e gjeta, gjërat ishin jashtëzakonisht të stisura. Por edhe bisedat ishin shumë mekanike.

Ndërkohë, kritikat nuk kanë munguar për protagonistin e këtij reality dating show, Saimirin, për të cilin artisti argumentoi se 33-vjeçari kishte një distancim fizik dhe refuzus.

Saimiri kishte një distancim fizik dhe refuzues po ta shohësh nga pikpamja psikologjike, më shumë bëntë deal”, përmbyll Roberti.

/tvklan.al