Dy persona u plagosën rëndë në një aksident automobilistik që ndodhi në Itali, njëri prej të cilëve shqiptar. Aksidenti ndodhi gjatë natës në zonën e Maresco në rrugën që lidh Savigliano me fshatin Cavallota.
Sipas mediave vendase, me furgonin që doli nga rruga udhëtonin shqiptari J.N. 23 vjeç dhe një vajzë e re 28-vjeçare me iniciale A.O. Furgoni humbi kontrollin dhe doli nga rruga duke përfunduar në kanalin ujitës.
28-vjeçarja ka pësuar dëmtime në kokë dhe u transportua me helikopter në spital, kurse shqiptari ka dëmtime në gjymtyrët e poshtme. Shkaqet e aksidentit janë të paqarta.
/tvklan.al
