Qytetarët: Edhe pse e kemi kaluar koronavirusin, vaksinimi na jep siguri
Grupmosha mbi 60 vjeç po imunizohet prej ditësh me dozën e dytë të “Sinovac” te sheshi “Skënderbej” në kryeqytet.
Një pjesë e tyre shprehen për “Klan News” se, edhe pse e kanë kaluar koronavirusin muaj më parë, marrja e vaksinës i bën ata të ndihen më të sigurt.
Pjesë e procesit të vaksinimit janë bërë edhe punonjësit e transportit publik të cilët po marrin dozën e parë të “Sputnik”.
Gjatë këtyre ditëve janë vaksinuar rreth 300 punonjës të këtij sektori të cilët ishin të riskuar nga prekja e Covid-19.
Ministria e Shëndetësisë bën të ditur se me ardhjen e vaksinave të tjera, pragu i moshës do të zbresë nën 60 vjeç në të gjithë vendin.
Po ashtu të gjithë qytetarët e imunizuar me të dyja dozat mund të marrin certifikatën e vaksinës anti-covid në portalin e-Albania.
Klan News