Kreu i qeverisë ka marrë dy doza të vaksinës kundër koronavirusit
Kryeministri francez, Jean Castex ka rezultuar pozitiv me Covid-19 dhe agjenda e tij pritet të ndryshojë në ditët në vijim në mënyrë që ai të mund të vazhdojë aktivitetet.
“Kreu i qeverisë mësoi se një nga vajzat e tij 11-vjeç kishte rezultuar pozitive. Më pas Castex bëri menjëherë një test PCR dhe rezultoi pozitiv”, deklaruan burimet qeveritare.
Gjatë së hënës Kryeministri francez u takua me homologun e tij belg Alexander De Croo, i cili ndodhet aktualisht në karantinë pas takimit të tyre.
Kreu i qeverisë mori dy doza të vaksinës në pranverë. Për shkak të rritjes së rasteve me Covid-19 shumë vende evropiane kanë imponuar masa më të rrepta. Por Presidenti francez Emmanuel Macron ka thënë se Franca nuk ka nevojë të ndjekë masa të tilla pasi rregullat e pasaportës shëndetësore kanë ndihmuar në mbajtjen nën kontroll të virusit.
Klan News