Makina me shpejtësi të madhe dhe shoferë të dehur, policia pezullon dhjetëra patenta


Makina me shpejtësi të madhe dhe shoferë të dehur, policia pezullon dhjetëra patenta

08:49 04/09/2021

Policia Rrugore e Tiranës, monitorim të pandërprerë me radarë, dragera dhe patrulla të lëvizshme, për të parandaluar aksidentet rrugore. Monitorim, dhe me dragera në të gjitha rrugët e Tiranës për të parandaluar ngjarjet rrugore që vijnë si pasojë e drejtimit të mjeteve nën efektin e alkoolit.

Gjatë dy netëve të fundit si rezultat i monitorimit me radarë në rrugët interurbane që lidhen me Tiranën, nga Policia Rrugore e kryeqytetit u konstatuan shpejtësi nga 138 km/h deri në 141 km/h.

Ndërsa nga monitorimi me dragera konstatuan masa alkooli që varionin nga 0.09 mg/l deri në 0.41 mg/l. Si dhe drejtues mjetesh në gjendje të dehur deri në masën 1.19 mg/l.

Përgjatë orëve të mbrëmjes së dy netëve të fundit janë pezulluar 10 Leje Drejtimi, për shpejtësi që varionin nga 138 km/h deri në 141 km/h. Dhe 19 Leje Drejtimi për drejtim mjeti nën efektin e alkoolit që varionin nga 0.31 mg/l deri në 0.48 mg/l.

Janë vendosur 42 masa administrative me vlerë nga 2.000 deri në 4.000 lekë të rinj për shpejtësi tej normave të lejuara që varionte nga 115 km/h deri në 127 km/h.

Si dhe janë vendosur 39 masa administrative me vlerë nga 5.000 deri në 15.000 lekë të rinj për drejtim mjeti nën efektin e alkoolit që varionte nga 0.09 mg/l deri në 0.29 mg/l.

Policia e Shtetit apelon për të gjithë drejtuesit e mjeteve, mos abuzoni me shpejtësinë dhe alkoolin në timon, kujdesuni për jetën tuaj dhe të përdoruesve të tjerë të rrugës.

Policia Rrugore me radarë e dragera është prezente kudo, jo për të shtuar numrin e gjobave por për të parandaluar kërcënimin e jetës në rrugë nga këta drejtues mjetësh që abuzojnë me rregullin dhe normat e sjelljes në rrugë./tvklan.al






Të ngjashme