#NëKurthinePiterPan | Talent-show me fëmijët “me të zgjuar”, gazetarët e të ardhmes dhe të ftuar speciale VIP. Një format “i ngrohtë”, i këndshëm, me shumë batuta humori, me fëmijë talente që nuk i keni parë kurrë më parë në TV shqiptare! Një gjë është e sigurtë: Ata nuk janë të turpshëm! Një format nga #VeraGrabocka & #AlketaVejsiu çdo të premte 21:00 në #TvKlan.

Big Basta

Big Basta kërkon falje për tekstet e këngëve: Nuk do përdor më fjalë të pista

Big Basta është një nga reperët e njohur të skenës shqiptare. Por në tekstet e tij, si dhe të reperëve të tjerë, ka fjalë jo etike.

Ai është pyetur për këtë fakt në spektaklin “Në Kurthin e Piter Pan” në Tv Klan dhe ka premtuar se nuk do të përdorë më fjalë të papërshtatshme në tekstet e tij muzikore.

Tea: Mami im ka dëgjuar që në disa tekstet e tua ti ke thënë disa fjalë të pista dhe kjo gjë nuk i ka pëlqyer fare po fare. Tani ti je i paedukatë apo vetëm i thua për këngën?

Alketa Vejsiu: Po, ka një diskutim shumë të madh në fakt për tekstet që përdoren nga repistët në këngë, këngë që bëhen virale për moshat e vogla, për adoleshentët që ndonjëherë janë jo edukative.

Big Basta: Është e vërtetë, edhe kërkoj shumë falje në rast se ndonjë nga këngët e mia ka pasur ndonjë fjalë e cila ka qenë e pistë. Por që në asnjë moment nuk kam dashur që të ofendoj dikë dhe nuk do të thotë që jam i paedukatë sepse unë kam bërë edhe shkollën e lartë për sociologji edhe atë lëndë e kam zgjedhur vetëm për shkak se më pëlqen hip-hopi. Edhe e dija shumë që sociologjia do më ndihmonte shumë për të zgjeruar diapazonin për të zhvilluar hip-hopin edhe kulturën që unë kam dhënë gjithë jetën për të. Por që ja ku jemi këtu do ja u premtoj që të gjithëve që do mundohem që të përdor sa më pak fjalë të pista për të mos thënë fare.

“Emrin Big Basta ma ka gjetur Doktor Flori”, artisti emocionon me historinë që fshihet pas emrit të artit

Artisti shumë i dashur për publikun shqiptar, Big Basta ka treguar se çfarë fshihet pas emrit të tij të artit.

I ftuar në emisionin “Në Kurthin e Piter Pan” në Tv Klan, Big Basta ka treguar se emrin me të cilin i është prezantuar publikut shqiptar, ia ka gjetur këngëtari i ndjerë, Doktor Flori.

Big Basta: Unë emrin e gjatë e kam Gerald, por shkurt familja më thërret Geri, pastaj shokët më thërrasin Bigu, më thërrasin edhe Nona. Pastaj emri Big Basta erdhi më vonë dhe jam shumë me fat që emrin Big Basta ma ka gjetur një miku im që sot nuk është më mes nesh, Doktor Flori dhe kam qenë tek shtëpia e tij dhe ai ka thënë…. Se unë kisha një emër pak më gangster, më të keq dhe ai tha që “më mirë e bëjmë Big Basta dhe nuk keqkuptohet fare” dhe unë jam shumë i lumtur për këtë. Doktor Flori tha “më mirë bëje Big Basta dhe je perfekt.

“I çova një pjatë me fasule”, Big Basta zbulon si ia mori zemrën Vesa Lumës

Partnerë në skenë, partnerë edhe në jetë. Big Basta dhe Vesa Luma janë një ndër çiftet e njohur të showbizit shqiptar dhe këngëtarë mjaft të talentuar.

I ftuar në spektaklin “Në Kurthin e Piter Pan” në Tv Klan, Big Basta tregoi se si u njoh me Vesa Lumën. Madje ai tha se në fillimet e tyre të njohjes i dha një pjatë me fasule Vesa Lumës.

“Vesën e dua shumë sepse ne kemi shumë vite bashkë por takimin tonë të parë bashkë e kemi pasur në Dancing With the Stars. Ngaqë Vesa nuk më kërkonte tekste për artistët e tjerët i shkova i thashë po ti pse s’më ke kërkuar ndonjëherë. Pastaj aty filloi afrimitetit mes nesh.

Në atë kohë Vesa rrinte në hotel bashkë me konkurrentët e tjerë dhe mendova se i mungonin ushqimet tradicionale, i thashë mamit të më gatuante diçka dhe më bëri fasule.

Të nesërmen i çova Vesës fasule edhe ma ktheu pjatën me fasule dhe plot me dashuri”, tregoi Big Basta.

Jeton prej vitesh në Zelandë të Re, përse Big Basta shkoi deri “në fund të botës”

Geri, i njohur me emrin e artit si Big Basta është i ftuari i dytë në spektaklin e “Në Kurthin e Piter Pan” në Tv Klan, i cili së bashku me bashkëshorten Vesa Luma dhe fëmijën e tyre janë kthyer nga Zelanda e Re.

Por përse zgjodhën Zelandën e Re për të jetuar?

Big Basta: Ka mirëqenien e lartë, ofron një të ardhme shumë të mirë, oferta e mirë për punë, për gjëra, edhe jeta aty shumë e mirë, shumë e qetë. Jemi shumë të lumtur. Megjithatë kurrë mos thuaj kurrë. Edhe Shqipëria është opsion shumë i mirë për ne për momentin. Familja është ajo që na mungon

Greta Koci

“Vazhdoj të jem e djathtë”, Greta Koçi flet për përfshirjen në politikë: Nuk angazhohem më

Këngëtarja e dashur për publikun shqiptar, Greta Koçi, kthehet pas në kohë dhe tregon se ka qenë nënkryetare e përgjithshme e Forumit Rinor të PD dhe shton se sërish vazhdon të jetë e djathtë pavarësisht se nuk angazhohet më në politikë.

E ftuar “Në Kurthin e Piter Pan” në Tv Klan, artistja Koçi thotë se pavarësisht bindjeve politike, rëndësi ka të fitojë më i miri që të bëjë më të mirën për Shqipërinë dhe shqiptarët.

Alketa Vejsiu: Sikur u more disa kohë me politikën, apo gaboj?

Greta Koçi: Isha nënkryetare e përgjithshme e Forumit Rinor të PD-së. Sigurisht, unë vazhdoj të jem e djathtë, por nuk angazhohem më. Në bindjet e mia familjare politike, vazhdoj të mbetem e djathtë.

Alketa Vejsiu: Kemi një demokrate të flaktë këtu.

Greta Koçi: Jo, nuk bëjmë fushatë. Të fitojë më i miri. Rëndësi ka të bëjnë më të mirën për Shqipërinë dhe për shqiptarët.

Greta Koçi ka gati këngën e re, zbuloni si titullohet

Greta Koçi do të vijë shumë shpejt me një këngë të re për publikun shqiptar.

E ftuar në spektaklin “Në Kurthin e Piter Pan” në Tv Klan, Greta zbuloi se të dielën do të nxjerrë në treg këngën e re të titulluar “Nuse”.

Greta Koçi: Për ty, për të gjithë kalamajtë, për gjithë publikun që na ndjek, ditën e dielë unë do të lançoj këngën e re që titullohet “Nuse”.

Greta Koçi u rikthye në një intevistë televizive pas 3 vitesh dhe ekskluzivisht Në Kurthin e Piter Pan me Vera Grabockën dhe Alketa Vejsiun në Tv Klan.

Greta Koçi: Nuk jam e bukur as unë as motra ime, më e bukur është…

Këngëtarja Greta Koçi ka rrëfyer në emisionin “Në Kurthin e Piter Pan” në Tv Klan momente nga karriera dhe jeta e saj.

Noeli: Greta ti ke kënduar një këngë për motrën, kush është më e bukur ti apo motra jote?”

Greta: Nuk jam më e bukur as unë as motra ime, më e bukur është mbesa ime e vogël 7-muajshe. Kam ndarë disa momente me të në momentin kur lindi dhe një video pas disa muajsh.

A do bëjë binjake? Flet Greta Koçi

Këngëtarja e mirënjohur Greta Koçi është rikthyer në një intervistë televizive pas 3 vitesh.

E ftuar në spektaklin “Në Kurthin e Piter Pan” në Tv Klan, Greta Koçi tha se prej 4 vitesh është e martuar. Por a është gati të bëhet nënë?

Greta u pyet nga binjaket nëse do të donte binjake, këngëtarja nuk e mohon këtë gjë.

“Më duket do bëj binjake unë u pa puna”, tha Greta.

4 vite martesë/ Greta Koçi “hap zemrën”: Bashkëshorti është inxhinier, jam shumë e lumtur

Këngëtarja e mirënjohur, Greta Koçi ka treguar më shumë detaje rreth martesës së saj dhe mashkullit që i ka vjedhur zemrën.

E ftuar në emisionin “Në Kurthin e Piter Pan”, këngëtarja Greta Koçi ka treguar se bashkëshorti i saj është shqiptar nga veriu i vendit, por ka preferuar që të mos e zbulojë identitetin e tij pasi artistja thotë se do që ta mbajë private familjen duke qenë se partneri i saj nuk i përket botës së showbizit.

Këngëtarja Koçi thotë se ata janë si dy shokë dhe se e mbështesin njëri-tjetrin.

Gerta Koçi: Nuk kam bërë një ceremoni dasme. Duhet të jetë një moment magjik për të gjitha vajzat. Do të doja të bëja diçka ndoshta të ardhmen. Kam dashur gjithmonë që ta mbaj private këtë pjesën e familjes duke qenë se kam një bashkëshort që nuk është VIP dhe nuk i përket botës së showbizit, kam dashur që të jem pak më diskrete, por e kam pranuar që jam martuar dhe tani jam shumë e lumtur dhe shumë e qetë. Rreth 4 vite që jemi martuar, jetojmë në Amsterdam. Bashkëshorti im është inxhinier. Jetojmë në Amsterdam. Koha e tij është e zënë shumë, e imja po ashtu.

Alketa Vejsiu: Është shqiptar apo i huaj?

Greta Koçi: Shqiptar.

Alketa Vejsiu: Ku e gjete dhe ku të gjeti?

Greta Koçi: U gjetëm Alketa. Është nga veriu i Shqipërisë. Unë jam një miks sepse babanë e kam nga Shkodra dhe mamanë nga Berati. Ne jemi si shokë të dy, mbështesim njëri-tjetrin./tvklan.al