Ekzekutohet me armë zjarri 19-vjeçari në Shkodër


Ekzekutohet me armë zjarri 19-vjeçari në Shkodër

20:31 18/09/2022

Një vrasje me armë zjarri ka ndodhur mbrëmjen e së dielës në qytetin e Shkodrës. Viktima është një djalë i ri, i quajtur Erjon Xhenje 19 vjeç, banues në lagjen “Guerrile”.

Ngjarja ka ndodhur në bulevardin “Bujar Bishanaku” brenda një lokali. Rrethanat dhe dinamika e ngjarjes është e paqartë. Viktima u qëllua me armë nga persona të paidentifikuar.

Dyshohet se autori/autorët u larguan nga vendngjarja me motorçikletë. Kjo për shkak se në lagjen “Guerrile” u gjet një motorçikletë e djegur dhe një pistoletë që mendohet se i përket autorit.

Në skenën e krimit shkuan forca të shumta policore dhe e gjithë zona u rrethua nga uniformat blu.

INFORMACIONI PARAPRAK I POLICISË SË SHKODRËS:

Rreth orës 20:10, në bulevardin “Bujar Bishanaku”, në lagjen “Naim Gjylbegu”, në një lokal, në rrethana ende të paqarta, është vrarë me armë zjarri shtetasi E. Xh., 19 vjeç, banues në Shkodër.

Shërbimet e Policisë janë vënë në ndjekje të autorëve, të cilët janë larguar me një motoçikletë.

Në lagjen “Guerrile” është gjetur nje motoçikletë duke u djegur dhe një armë zjarri pistoletë, që dyshohet se janë përdorur nga autorët.

Grupi hetimor nën drejtimin e Prokurorisë ndodhet në vendngjarje dhe vijon punën për zbardhjen e rrethanave të ngjarjes dhe identifikimin e autorëve.

Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve.

Momenti kur babai identifikon djalin 19-vjeçar që iu vra në Shkodër

Këto janë momentet e dhimbshme kur babai ka identifikuar djalin e tij Erjon Xhenje 19 vjeç që u ekzekutua me armë zjarri mbrëmjen e së dielës në Shkodër.

I riu u vra me armë brenda një lokali në bulevardin “Bujar Bishanaku” të qytetit verior. Erjon Xhenje nuk mundej të identifikohej nga policia në momentet e para.

Në vendngjarje ka shkuar babai i të ndjerit dhe ka hyrë brenda lokalit. Aty ka identifikuar të birin dhe ka shpërthyer në lot. 19-vjeçari, banues në lagjen “Guerrile” të Shkodrës, besohet se u qëllua nga një person që udhëtonte me motorçikletë.

/tvklan.al









Të ngjashme