AZHBR: Sulme politike pa asnjë bazë
Partia Demokratike akuzoi sërish sot qeverinë se ka kaluar grante të BE-së për bujqësinë në llogaritë e inceneratorit të Sharrës.
Anëtari i Këshillit Kombëtar të PD-së, Jamarbër Malltezi tha në një deklaratë në Sharrë se nëpërmjet AZHBR-së, ky incenerator ka marrë 310 mijë euro të BE-së destinuara për bujqësinë.
Pas këtyre akuzave ka reaguar Agjencia për Zhvillim Bujqësor dhe Rural që thotë se akuzat janë të pavërteta dhe synojnë të përbaltin punën e rëndësishme që është kryer vitet e fundit nga ky institucion.
AZHBR thotë se akuzat për keqpërdorim të fondeve të Bashkimit Evropian janë pa asnjë bazë, të pavërteta dhe të dënueshme.
Tv Klan