Tre skuadra garojnë për vendin e tretë
“Klasikja” e Shqipërisë, Tirana-Vllaznia vjen në javën e 34 të kampionatit. Dy skuadra me synime krejt të ndryshme.
Tirana kampione përballë Vllaznisë që kërkon një vend në Europë. Bardheblutë pa shumë motivim do të përdorin edhe lojtarë të stolit ndërsa Elvis Plori i Vllaznisë e do skuadrën në eficencë dhe me energji të plota.
Edhe Partizanit i duhet Europa pas dështimeve të shumta në këtë sezon. Pengesë për të kuqtë do të jetë Egnatia që lufton për mbijetesën.
Dinamo e rënë nga kategoria përballet me Kukësin.
“Skuadra prodhon shumë lojë por nuk konkretizon. Ne kemi punuar mbi këtë. Kukësi është kundërshtar i fortë dhe ka objektiva për të arritur por ne do të bëjmë lojën tonë deri në fund”, thotë trajneri i Dinamo.
Duke filluar nga java e 34 të gjitha ndeshjet e kampionatit do të luhen në një orar, këtë të shtunë në 17.45.
Tv Klan
