29 mësues të shkollës ‘Emin Duraku’ në karantinë



29 mësues të shkollës ‘Emin Duraku’ në karantinë

15:44 16/10/2020

Stafi i shkollës në pritje të përgjigjes së tamponit

Pas 7 rasteve pozitiv me Covid-19 në shklollën 9-vjeçare ‘Emin Duraku’ në Tiranë, 29 mësues të karantinuar janë ende në pritje të përgjigjes së tamponit për Covid-19. Për nxënësit e shkollës procesi mësimor ka vijuar pa ndërprerje edhe këtë të premte, pasi stafi është zëvendësuar me mësues të tjerë.

Po 5 mësuesit dhe 2 sanitarët të konfirmuara me koronavirus kanë shqetësuar prindërit e tyre.

Të shqetësuar jemi, po ça të bëjmë“, thotë një prind, nëse një tjetër shprehet: “Më mirë të mësojnë në shkollë, se në shtëpi nuk mësojnë“.

Rreth 120 mësues zëvendësues janë aktivizuar përgjatë kësaj jave në të gjitha shkollat e vendit. Zëvendësimet e detyrueshme janë kryer si rrjedhojë e mungesave nga infektimet me Covid -19, të vetëizolimit të përkohshëm, apo edhe të tjera shkaqe momentale.

Sipas Drejtorisë së Përgjithshme Arsimore, po këtë jave, një mesatare prej 6500 nxenësish i kanë munguar sistemit arsimor për arsye të ndryshme.

Tv Klan




Të ngjashme