Vetëm pak orë pas transmetimit të rastit tronditës në emisionin “Stop” të 16- vjeçares nga Lushnja, e cila shfrytëzohej për prostitucion, policia ka arrestuar personin që e shfrytëzonte si dhe bashkëpunëtoren e tij. Në pranga të policisë kanë rënë Klodian Kiptiu, 38 – vjeç dhe S. Muaxhiri, 18 – vjeçe, të dy banues në Lushnje.
Ndalimi i tyre u bë pasi të dy në bashkëpunim me njëri – tjetrin kanë shfrytëzuar për prostitucion në rrethana rënduese, shtetasen e mitur A.S., 16 – vjeçe, me banim në Lushnje.
Nëpërmjet një njoftimi për shtyp, Drejtoria e Policisë së Fieri falënderoi emisionin “STOP” për bashkëpunimin. 16-vjeçarja me prindër të divorcuar jetonte me gjyshen e saj të sëmurë dhe të moshuar. Sipas dëshmisë së dhënë prej saj, prej kohësh i bëhej presion për të shkuar në Holandë për të punuar si prostitutë.
Tv Klan
