Mijëra kosovarë i janë drejtuar bregdetit. Që në orët e para të ditës në pikën kufitare kanë mbërritur qindra automjete dhe autobusë për të kaluar fundjavën dhe pushimet në Shqipëri.
Ndryshe nga herët e tjera, Policia Kufitare ka shtuar numrin e sporteleve, sipas ngarkesës nga 10 deri ne 14 sportele, duke krijuar kushte optimale për kalimin e lirë dhe pa vonesa të kufirit. Edhe pse fluksi i qytetarëve të Kosovës ka qenë shumë i lartë, shtimi i sporteleve dhe procedura e përshpejtuar që aplikohet nga Policia Kufitare kanë shmangur radhët dhe kohëzgjatjen në doganë.
Sipas Policisë Kufitare vetëm në orët para të ditës deri në orën 7 kanë hyrë në Shqipëri përmes Morinës më shumë se 820 mjete me rreth 6 mijë qytetarë. Fluksi i lëvizjes është ndjerë përgjatë gjithë Rrugës së Kombit, e cila nga 1 Korriku e në vijim monitorohet me patrulla të përbashkëta të policisë se dy vendeve./abcnews.al
