41% e flotës së mjeteve janë më të vjetra se 20 vjet
796.438 mjete rezultuan në fund të vitit 2022 nga 740 669 të tilla në vitin 2021, duke u rritur me 7.5%.
Sipas INSTAT përqindjen më të madhe ndaj numrit gjithsej të mjeteve rrugore e zënë “Autoveturat” (80,3 %).
Të dhënat zyrtarë për në vitin 2022 tregojnë se numri i autoveturave për pasagjerë për 1000 banorë është 232, ndërsa një vit më parë ishte 212.
Ajo që bie në sy nga të dhënat e INSTAT është se edhe pse Tirana ka numrin më të mdh të popullsisë, numrin më të madh të makinave për banorë e ka Durrësi.
Sipas të dhënave të INSTAT, qarku i Durrësi kryeson me numrin më të lartë të autoveturave për pasagjerë për 1.000 banorë me 301 të tilla e djekur nga Lezha me 287 autovetura për 1.000 banorë.
Ndërsa Korça është qarku me numrin më të vogël të autoveturave për pasagjerë për 1.000 banorë me 165 autovetura.
Flota e mjeteve që operojnë në Shqipëri vijon të mbetet shumë e vjetër dhe po zëvendësohet me ritme të ngadalta.
Gati 41% e autoveturave që qarkullonin deri në fund të vitit 2022 kishin një moshë më të lartë sesa 20 vite.
51% kishin një moshë nga 11-20 vite; 5.5% nga 6 deri në 10 vite dhe vetëm 5 mijë makina, apo 0.8% janë të reja, me vit prodhimi prej më pak sesa dy vjet. Markat “Mercedez-Benz” dhe “Volkswagen” janë llojet e makinave më të përhapura në vendin tonë.
Klan News