Mendoi se ishte grabitës dhe e qëlloi për vdekje.
Një ngjarje e rëndë ka ndodhur gjatë natës në fshatin “Shtoj i Vjetër”, në Shkodër.
Një 55- vjeçar që vuante nga probleme mendore ka hyrë rreth orës dy të natës në shtëpinë e komshiut , ky i fundit duke menduar se është hajdut e ka qëlluar për vdekje .
Sipas njoftimit zyrtar të policisë, autor i ngjarjes është shtetasi Ndokë Vecaj 76- vjeç , ndërsa viktimë ka mbetur shtetasi Nikë Bungu 55- vjeç.
Policia sqaron se nga hetimet paraprake ka rezultuar se shtetasi Nikë Bungu, i cili vuante dhe merrte mjekim të rregullt për probleme mendore, ka hyrë tek rrethimi i shtëpisë së shtetasit Ndokë Vecaj, në fshatij “Shtoj i Vjetër”.
Pronari i banesës ka dëgjuar se dikush ka hyrë në rrethimin e banesës së tij dhe ka qëlluar dy herë me armë gjahu çifte në ajër.
Më pas i zoti i banesës kur ka degjuar sërish lëvizje, në kushtet e errësirës, ka qëlluar me armë zjarri në drejtim të shtetasit Nikë Bungu 55-vjeç, i cili ka gjetur vdekjen e menjëhershme.
Në cilësinë e provës materiale, policia sekuestroi një armë e gjahu (çifte) me të cilën dyshohet se autori ka kryer vrasjen.
Policia në përfundim të veprimeve të para hetimore ka arrestuar në flagrancë pronarin e banesës shtetasin Ndokë Vecaj, si autor të dyshuar të vrasjes.
Tv Klan
