Të ftuar në Opinion: Ermonela Felaj, Plarent Ndreca, Luçiano Boçi, Brisida Shehaj, Fatjona Medini, Aleksandra Bogdani.
Inceneratori i Elbasanit, Ermonela Felaj: Pagesat janë bërë sipas detyrimeve të kontratës
Deputetja e Partisë Socialiste dhe zv/kryetarja e Komisionit Hetimor Parlamentar, Ermonela Felaj, thotë se nga verifikimet e deritanishme rezulton që çdo pagesë për detyrimet është bërë sipas kontratës për inceneratorin e Elbasanit.
Në studion e emisionit Opinion në Tv Klan, Felaj tha se nga hetimit parlamentar del që është miratuar pagesa për ngritjen e impiantit në Elbasan.
“Nuk merremi me një sjellje që deri tani është duke u hetuar nga prokuroria. Mua më intereson sjellja e ekzekutivit qëndror dhe lokal në këtë rast.
Çdo pagesë është bërë sipas detyrimeve të kontratës. Ligji për trajtimin e mbetjeve përcaktohej si autoritet kontraktor Ministria e Mjedisit.
Nga hetimit parlamentar më rezulton që është miratuar një pagesë për ngritjen e një impianti në Elbasan”, u shpreh Ermonela Felaj.
Gazetarja: Po mbroni të korruptuarit; Revoltohet Plarent Ndreca: Kujdes me kë po flet
Diskutimi për inceneratorët në emisionin Opinion në Tv Klan ka shkaktuar debate të shumta mes të ftuarve. Një ndër to ishte edhe ai mes gazetares Fatjona Mejdini dhe Plarent Ndrecës për inceneratorin e Fierit.
Gazetarja u hodhi akuza ndaj Ndrecës dhe deputetes socialiste Ermonela Felaj se po mbrojnë të korruptuarit, duke sjellë në vëmendje se SPAK është duke e hetuar këtë dosje.
Nga ana tjetër, Plarent Ndrecaj u kundërpërgjigj duke i kërkuar gazetares që të bëjë kujdes “me kë po flet”
Fatjona Mejdini: E dini ju urën e Mbrostarit në Fier? Po mua më vjen keq se ju jeni përfaqësuese e shtetit, unë jam gazetare. Nuk mund të vini me këtë nivel të ulët të përgatitjes.
Plarent Ndreca: Vetëm për atë që tha, për të treguar se sa qesharake është gazetarja.
Blendi Fevziu: Ç’domethënë është qesharake?
Plarent Ndreca: Po nuk di vendin.
Fatjona Mejdini: Ju jeni një njeri që keni halle se ka nisur SPAK-u hetimet, këtë hall keni ju.
Plarent Ndreca: Çfarë halli kemi ne?
Fatjona Mejdini: Ju këtë hall keni. Se po mbroni njerëz të korruptuar. Ja këtë hall keni ju.
Plarent Ndreca: Goce, ki kujdes kur flet se me kë po flet. Me kë po flet? Ta provoj tani se je qesharake.
Fatjona Mejdini: Qesharake s’jam unë fare. Qesharak jeni ju që mundoheni të mbyllni….
Plarent Ndreca: Edhe ku kujdes kur flet se e ke kaluar…
Fatjona Mejdini: Jo jo ti e ke kaluar, bashkë me zonjën, i keni kaluar të dy. /tvklan.al
