Përbërësit:
300 gr oriz integral
100 gr ton
50 gr pomodorini
50 gr ullinj të zi
1 kungull jeshil
1 avokado
1 qepë
Majdanoz
Rukola
Kripë
Piper
Përgatitja:
Në një tigan me pak vaj ulliri skuqim qepën, shtojmë pak spec djegës, ullinjtë e zi, majdanoz dhe i skuqim bashkë. Më pas shtojmë tonin e peshkut, pomodorinit, kungull jeshil, pak ujë dhe i lëmë të ziejnë.
Vendosim një tenxhere me ujë që të ziejë, shtojmë në të pak vaj ulliri, kripë dhe piper. Pasi të vlojë shtojmë në të orizin.
Sallatën rukola e vendosim në gotën e mikserit, shtojmë në të vaj ulliri dhe bëjmë salcë. Grijmë imët majdanozin e vendosim në një tas, shtojmë avokadon e prerë në kubikë dhe i marinojmë me pak vaj ulliri, kripë dhe piper. Orizin e zier e kalojmë në tiganin me perime e ton dhe i përziejmë bashkë që të lidhen. Vendosim me një formë orizin me ton dhe perime në pjatë, mbi të avokado dhe për dekor salcën me rukola.
/tvklan.al
