Përbërësit:
300 gr levrek
300 gr oriz
200 gr bizele
2 thelpi hudhër
1 qepë
1 karotë
1 selino
1 spec djegës
1 domate
Borzilok
Pak majdanoz
Kripë
Piper
Përgatitja:
Sfiletojmë fillimisht peshkun dhe më pas e marinojmë me borzilok, kripë, piper dhe vaj ulliri. Vendosim një tenxhere me ujë që të ngrohet, shtojmë në të bizelet dhe i lëmë të ziejnë. Në një tjetër tenxhere me pak vaj ulliri shtojmë kockat e peshkut, karotën, selinon dhe qepën të prera në kubikë. Pasi skuqen shtojnë në to ujin ku zien bizelet. Ndërkohë bizelet i vendosim në mikser, shtojmë në to gjethe borziloku dhe majdanoz. Në një tjetër tigan me pak vaj ulliri skuqim orizin, pasi skuqet shtojmë gradualisht bulionin e perimeve. Në një tigan skuqim levrekun.
Presim në kubikë domaten, specin djegës, pak majdanoz dhe i marinojmë me kripë, piper, vaj ulliri. Pak para se të heqim nga soba rizoton shtojmë në tigan kremin e bizeleve duke i dhënë kremozitet dhe ngjyrë jeshile rizotos. Vendosim në pjatë fillimisht rizoton, mbi të fileton e skuqur dhe kubikët e domates dhe specit të marinuara.
/tvklan.al
