Sali Berisha: Ambasadorja Kim i lejon vetes të bëjë sekretaren ideologjike të PS



Sali Berisha: Ambasadorja Kim i lejon vetes të bëjë sekretaren ideologjike të PS

19:58 05/12/2021

Në takimin online që zhvilloi me demokratët në SHBA në kuadër të Foltores, ish-Kryeministri Sali Berisha kritikoi sërish ambasadoren amerikane në Tiranë, Yuri Kim.

Berisha e cilësoi “sekretare ideologjike të PS” ambasadoren Kim dhe shprehu zhgënjimin ndaj për vlerësimin që u bëri zgjedhjeve dhe për censurën, sipas ish-Kryeministrit, që kërkon të vendosë ndaj Foltores.

“Dy fjalë për sa i përket zonjës ambasadore që shpesh i lejon vetes të bëjë sekretaren ideologjike të Partisë Socialiste.

Dy momente për mua janë të papranueshme. Përgëzimi që u bëri zgjedhjeve në kundërshtim me çdo kod, rregull dhe qëndrim ndaj votës së lirë nga SHBA.

Dhe së dyti, thirrja që u bën gazetarëve për të vendosur cencurë ndaj Foltores dhe Sali Berishës. Për mua përbën një shkelje të rëndë të Kushtetutës amerikane që garanton m mirë se çdo Kushtetutë e botës lirinë e shprehjes.

Këto momente, jo që nuk janë amerikane, por mbrëtëri e censurës dhe George Sorosin e interesat e tij. Megjithatë, asgjë nuk e humb respektin tonë për vendin e madh të lirisë”. /tvklan.al








Të ngjashme