Twitter është dorëzuar dhe më në fund do iu sjellë përdoruesve atë që kanë kërkuar së tepërmi: opsionin “Ndrysho”.
“Nëse shihni një postim të ndryshuar, është sepse po testojmë opsionin. Kjo po ndodh dhe ju do jeni në rregull”, shkroi kompania.
if you see an edited Tweet it’s because we’re testing the edit button
— Twitter (@Twitter) September 1, 2022
this is happening and you’ll be okay
Butoni i ri është në fazat e testimit dhe do të jetë i disponueshëm në vazhdim për abonentët e Tëitter Blue, që kushton 4.99 Dollarë në muaj. Postimet mund të ndryshohen disa herë në 30 minutat e para pas publikimit.
Postimet e redaktuara do të shfaqen me një ikonë, orë dhe link për në “Historinë e ndryshimeve” për të “mbrojtur vërtetësinë e bisedës dhe krijuar një regjistër të aksesueshëm publikisht për çfarë është thënë”, shton platforma sociale.
Twitter Blue është i disponueshëm në SHBA, Kanada, Australi dhe Zelandën e Re, por testet do të zhvillohen vetëm për një vend.
Gjithsesi, disa prej përdoruesve janë shprehur jo entuziastë ndaj kësaj risie, të cilën e kanë konsideruar të panevojshme për sa kohë ekziston butoni i fshirjes së postimit./tvklan.al