5 viktima dhe 153 raste të reja në 24 orët e fundit


5 viktima dhe 153 raste të reja në 24 orët e fundit

16:05 19/09/2020

5 pacientë të prekur me Covid-19 nuk kanë mundur ta fitojnë betejën me virusin përgjatë 24 orëve të fundit në vendin tonë.

“Ju informojmë se në 24 orët e fundit, me gjithë përpjekjet e mjekëve, e kanë humbur betejën me COVID19 një 57 vjeçare nga Kruja, një 60 vjeçar nga Bulqiza, një 62 vjeçar nga Lezha, një 67 vjeçar nga Tirana një 82 vjeçar nga Elbasani”.

Ministria e Shëndetësisë thotë se në 24 orët e fundit janë kryer 836 testime dhe janë konfirmuar 153 raste pozitive.

“Rastet ditore të identifikuara janë të shpërndara në bashkitë si vijon: 57 raste në Tiranë, 15 në Lezhë, nga 11 raste në Krujë, Fier, Pogradec, 8 në Vlorë, 6 në Korçë, nga 4 raste në Lushnje, Mat, Gramsh, Patos, nga 3 raste në Mallakastër, Librazhd, nga 2 raste në Berat, Divjakë, Maliq, nga 1 rast në Durrës, Elbasan, Tepelenë, Malësi e Madhe, Peqin, Memaliaj”.

Aktualisht në Spitalin Infektiv dhe “Shefqet Ndroqi” po trajtohen 178 pacientë, 13 në terapi intensive, nga të cilët 5 pacientë janë të intubuar. 57 qytetarë janë shëruar në 24 orët e fundit, duke e çuar në 6888 që nga fillimi i epidemisë./tvklan.al



Të ngjashme